Уншиж байна ...
ХУУЧИРСАН МЭДЭЭ: 2019/05/12-НД НИЙТЛЭГДСЭН

Буудай, төмсний хэрэгцээг 100 хувь дотоодоос хангах зорилт тавьжээ

С.Бадрал, iKon.mn
2019 оны 5 сарын 12
iKon.MN
Зураг зураг
Төмсийг хальстай нь чанавал 75 хувь витаминаа хадгалдаг

Засгийн газрын ээлжит хуралдаан 2019 оны 05 дугаар сарын 12-ны өдөр болж дараах асуудлыг хэлэлцэн шийдвэрлэлээ.

Энэ жил улсын хэмжээнд 387 мянган га-д үр тариа, үүнээс 368 мянган га-д улаанбуудай, 32 мянган га-д малын тэжээл, 29 мянган га-д тосны ургамал, 13.8 мянган га-д төмс, 8.9 мянган га-д хүнсний ногоо, 7.3 мянган га-д жимс, жимсгэнэ, нийт 478 мянган га-д тариалалт хийх юм байна.

Ингэснээр 508 мянган тонн үр тариа, үүнээс 487 мянган тонн улаанбуудай, 64 мянган тонн тэжээлийн ургамал, 24 мянган тонн тосны ургамал, 166 мянган тонн төмс, 107 мянган тонн хүнсний ногоо хураан авна гэж төлөвлөжээ.

Ингэснээр улаанбуудай, төмсний хэрэгцээг 100 хувь, голлох нэрийн хүнсний ногооны хэрэгцээний 60 хувийг дотоодоос хангах боломжтой гэж үзжээ. 

14 аймгийн 1,560 гаруй аж ахуйн нэгж, иргэн үр тариа, тос, тэжээлийн таримал, 490 гаруй аж ахуйн нэгж, хоршоо, 35 мянган өрх төмс, хүнсний ногоо, жимс, жимсгэний тариалалт эрхлэхээр бэлтгэлээ хангаж байна гэж Засгийн газраас мэдээллээ.