Уншиж байна ...
Зураг
Зураг
ХУУЧИРСАН МЭДЭЭ: 2019/05/09-НД НИЙТЛЭГДСЭН

СУДАЛГАА: Эрүүл мэндийн зардал 100 өрх тутмын нэгийг санхүүгийн сүйрэлд хүргэж байна

Г.Номин, iKon.mn
2019 оны 5 сарын 9
iKon.MN
Зураг зураг
Гэрэл зургийг mpa.mn

Эрүүл мэндийн зардал өрхийг хэрхэн санхүүгийн сүйрэлд хүргэж байгаа талаар илтгэлийг МУИС-ийн багш, доктор А.Солонго "Эмэгтэйчүүдийн нүдээр" чуулган "Агаарын бохирдол ба эх, хүүхдийн эрүүл мэнд" сэдэвт чуулганд танилцууллаа.

Түүний илтгэлээс онцлох тоон эшлэлүүдийг хүргэж байна.

  • Үндэсний статистикийн хорооноос 16,000 өрхийг хамруулан хийсэн суурь судалгаа хийжээ. Судалгааны дүнгээр нийт өрхийн 90 хувь нь суурь хэрэглээнээс бусад зардлынхаа 10 хувийн эрүүл мэндийн үйлчилгээнд зарцуулж байна. /Суурь хэрэглээ гэдэгт байрны төлбөр, хоол хүнс гэх мэтийг хамруулна/
     
  • Түүнчлэн 100 өрх тутмын нэг нь суурь хэрэглээнээс бусад зардлынхаа 40-өөс илүү хувийг эрүүл мэнддээ зарцуулж, өрхийн санхүүгийн сүйрэлд өртөж байна.
     
  • Тав хүртэлх насны хүүхэд эсвэл өндөр настан гишүүнтэй байх нь тухайн өрхийг санхүүгийн сүйрэлд өртөх эрсдлийг 50 хувиар нэмэгдүүлж байна.
     
  • Мөн эмэгтэй өрхийн тэргүүлэгчтэй буюу өрх толгойлсон эмэгтэйчүүдийн санхүүгийн сүйрэлд өртөх эрсдэл нь 60 хувиар илүү байгаа аж.
     
  • Санхүүгийн сүйрэлд өртөх магадлал Улаанбаатарчуудад хамгийн өндөр байгаа бол зүүн бүсийнхэнд хамгийн бага байна. Хотын өрхүүд хөдөөгийн өрхүүдээс илүү санхүүгийн сүйрэлд өртжээ.