Шөнөдөө ихэнх нутгаар хүйтэрч, өдөртөө нутгийн зүүн хагаст хүйтэн салхитай байна гэж Цаг уурын байгууллагаас мэдээллээ.
2019 оны 03 дугаар сарын 22-26-ныг хүртэлх цаг агаарын урьдчилсан төлөв /2019.03.20-ны 14:31 цагт гаргасан/
Гуравдугаар сарын 22, 25-нд зүүн аймгуудын нутгийн зарим газраар бага зэргийн цас орж, зөөлөн цасан шуурга шуурна. Бусад хугацаанд цас орохгүй. Салхи ихэнх хугацаанд говь тал хээрийн нутгаар секундэд 14-16 метр хүрч шороон шуурга шуурна.
Говийн бүс нутгийн өмнөд хэсгээр шөнөдөө 3-8 градус хүйтэн, өдөртөө 10-15 градус дулаан, бусад нутгаар шөнөдөө 10-15 градус хүйтэн, өдөртөө 5-10 градус дулаан байна.
22, 25-нд нутгийн зүүн хагаст хүйтэн байна.
Эх сурвалж: ЦУОШГ