П.Бадарч: Төрийн шагналд гурван удаа нэр дэвшиж байлаа. Дөрөв дэх удаагаа нэр дэвшихдээ авлаа
12:08 2019/02/04
Монголын уламжлалт сар шинийн баяр Цагаан сарыг тохиолдуулан Монгол Улсын Ерөнхийлөгч Х.Баттулга “Төрийн шагнал хүртээх тухай” зарлиг гаргалаа.
Зарлигт:
“…Монгол түмний сэтгэл зүрхэнд хоногшиж, үеэс үед дуурьсах гарамгай бүтээлүүдийг туурвин урлаг, уран зохиолын боловсрол, гоо зүй, танин мэдэхүй, соён гэгээрлийн гарамгай үйлсийг бүтээж, Монголын уран зохиолын хөгжил, яруу найргийн туурвил зүй, оюун санааны дэвшилд оруулсан үнэтэй хувь нэмрийг нь соёрхон үнэлж, үндэсний уламжлал бэлгэдлийг эх орныхоо байгаль, түүх, соёл, ахуйд уялдуулан шингээж, ард иргэд, залуу хойч үедээ эрх чөлөө, тусгаар тогтнол, эх орныхоо эгнэшгүй үнэ цэн, яруу гайхамшгийг таниулсан “Есөн эрдэнийн орон” найраглал туурвисан Монгол Улсын Ардын Уран зохиолч Пунцагийн Бадарчид Монгол Улсын Төрийн шагнал хүртээсүгэй” гэжээ.
Төрийн шагнал хүртээх тухай Монгол Улсын Ерөнхийлөгчийн зарлигийг уншиж сонордуулсны дараа Монгол Улсын Ерөнхийлөгч Х.Баттулга Төрийн соёрхлыг Ардын уран зохиолч Пунцагийн Бадарчид гардуулж, үг хэллээ.
Х.Баттулга: “Есөн эрдэнийн орон” найраглалаас хүүхэд багачууд эх орноо хайрлах анхдагч сэтгэхүй, мэдрэмжээ олж авдаг
Ерөнхийлөгч Х.Баттулга “Билгийн тооллын шинийн нэгэн, Сар шинийн баярын босгон дээр Ардын уран зохиолч Пунцагийн Бадарч гуай Төрийн шагналыг хүртэж байна.
Монгол хүн бүр П.Бадарч гуайн шүлэг, найраглалуудыг уншиж өссөн, эх хэлнийхээ яруу сайхныг түүний бүтээлүүдээс мэдэрдэг болсон гэхэд эргэлзэх, маргалдах хүн байхгүй биз ээ. 1976 онд П.Бадарчийн “Есөн эрдэнийн орон” найраглал Ерөнхий боловсролын сургуулийн сурах бичигт орсон байдаг агаад энэ бүтээлээр хүүхэд багачууд эх орноо хайрлах анхдагч сэтгэхүй, мэдрэмжээ олж авдаг юм.
П.Бадарч гуайн хийсэн бүтээсэн зүйлс нь олны нүдэнд илхэн, номонд шингэж, ардынхаа сэтгэлд хоногшсон тул би илүүг тоочиж цаг барах нь илүүц биз.
Ингээд Төрийн шагнал хүртсэн П.Бадарч гуай танд эрүүл энх урт удаан насалж, ихийг бүтээхийг ерөөе. Миний эх орон авьяас эрдэнийн билээ.
Мөнх тэнгэрийн хүчин дор Монголын урлаг соёл дэлгэрч, авьяас билэгтнүүд урлан туурвих нь өргөн болох болтугай” гэв.
"Би “Морьд” найраглалаараа Монголын яруу найрагт морьтойгоо ирсэн"
Ардын уран зохиолч П.Бадарч Төрийн соёрхол хүртсэнийхээ дараа "Та бүгдэд маш их баярлалаа. Төрийн шагналд гурван удаа нэр дэвшиж байлаа. Дөрөв дэх удаагаа нэр дэвшихдээ авлаа. Монголын төрийн хойморт, Ерөнхийлөгч Х.Баттулгад баярлалаа. Миний “Есөн эрдэнийн орон” найраглалд ард түмэн маань дуртай учраас шагнал авсанд маань дуртай байгаа байх.
Олон хүн надад утсаар баяр хүргэж, дахин олон сайхан бүтээл туурвиарай гэсэн. Би 1967 онд "Морьд" хэмээх найраглалаа нэрийдсэн анхны номоо гаргаж байсан юм. Тухайн үед намайг "Морьд" найраглалаараа Монголын утга зохиолд морьтой ирсэн яруу найрагч гэж нэрлэж байлаа.
Монголынхоо ард түмэнд Сар шинийн мэндчилгээ дэвшүүлье. Эрүүл энх байгаарай, мал сүрэг нь өсөж байхын ерөөлийг өргөн дэвшүүлье" хэмээв.
09:09 2019/02/04
Ардын Уран Зохиолч П.Бадарчид ТӨРИЙН ШАГНАЛ хүртээнэ
Монгол Улсын Ерөнхийлөгчийн зарлигаар Ардын Уран Зохиолч Пунцагийн Бадарчид өнөөдөр Монгол Улсын Төрийн шагнал хүртээхээр болжээ.
Шагнал гардуулах ёслол Төрийн ордны ёслол хүндэтгэлийн өргөө гэрт 11:00 цагаас болно хэмээн Ерөнхийлөгчийн Тамгын газрын хэвлэлийн албанаас мэдээллээ.
Пунцагийн Бадарч Төв аймгийн Баянжаргалан суманд 1939 оны наймдугаар сарын 17-нд төрсөн.
Тэрбээр 1960 оноос уран бvтээлээ эхэлж Морьд, Есөн эрдэнийн орон, Алтан тоос, Зургаан мөнгөн мичид, Ширхэг цагаан сувд, Хэрлэн зэрэг яруу найргийн ном хэвлүүлсэн байна.
Түүнчлэн 1981 онд "Эх орны хилээс эх орондоо хэлэх үг", "Байтагийн чулуу", "Хилийн тэнгэр цэлмэг байгаасай", "Цэрэг эх орны дуулал" дууны шүлгээрээ Монголын Зохиолчдын Эвлэлийн шагнал, 1988 онд "Есөн эрдэнийн орон" найраглалаараа Д.Нацагдоржийн шагнал, 1999 онд Соёлын Гавьяат Зүтгэлтэн, 2005 онд Ардын Уран Зохиолч цол хүртжээ.
12:08 2019/02/04
Монголын уламжлалт сар шинийн баяр Цагаан сарыг тохиолдуулан Монгол Улсын Ерөнхийлөгч Х.Баттулга “Төрийн шагнал хүртээх тухай” зарлиг гаргалаа.
Зарлигт:
“…Монгол түмний сэтгэл зүрхэнд хоногшиж, үеэс үед дуурьсах гарамгай бүтээлүүдийг туурвин урлаг, уран зохиолын боловсрол, гоо зүй, танин мэдэхүй, соён гэгээрлийн гарамгай үйлсийг бүтээж, Монголын уран зохиолын хөгжил, яруу найргийн туурвил зүй, оюун санааны дэвшилд оруулсан үнэтэй хувь нэмрийг нь соёрхон үнэлж, үндэсний уламжлал бэлгэдлийг эх орныхоо байгаль, түүх, соёл, ахуйд уялдуулан шингээж, ард иргэд, залуу хойч үедээ эрх чөлөө, тусгаар тогтнол, эх орныхоо эгнэшгүй үнэ цэн, яруу гайхамшгийг таниулсан “Есөн эрдэнийн орон” найраглал туурвисан Монгол Улсын Ардын Уран зохиолч Пунцагийн Бадарчид Монгол Улсын Төрийн шагнал хүртээсүгэй” гэжээ.
Төрийн шагнал хүртээх тухай Монгол Улсын Ерөнхийлөгчийн зарлигийг уншиж сонордуулсны дараа Монгол Улсын Ерөнхийлөгч Х.Баттулга Төрийн соёрхлыг Ардын уран зохиолч Пунцагийн Бадарчид гардуулж, үг хэллээ.
Х.Баттулга: “Есөн эрдэнийн орон” найраглалаас хүүхэд багачууд эх орноо хайрлах анхдагч сэтгэхүй, мэдрэмжээ олж авдаг
Ерөнхийлөгч Х.Баттулга “Билгийн тооллын шинийн нэгэн, Сар шинийн баярын босгон дээр Ардын уран зохиолч Пунцагийн Бадарч гуай Төрийн шагналыг хүртэж байна.
Монгол хүн бүр П.Бадарч гуайн шүлэг, найраглалуудыг уншиж өссөн, эх хэлнийхээ яруу сайхныг түүний бүтээлүүдээс мэдэрдэг болсон гэхэд эргэлзэх, маргалдах хүн байхгүй биз ээ. 1976 онд П.Бадарчийн “Есөн эрдэнийн орон” найраглал Ерөнхий боловсролын сургуулийн сурах бичигт орсон байдаг агаад энэ бүтээлээр хүүхэд багачууд эх орноо хайрлах анхдагч сэтгэхүй, мэдрэмжээ олж авдаг юм.
П.Бадарч гуайн хийсэн бүтээсэн зүйлс нь олны нүдэнд илхэн, номонд шингэж, ардынхаа сэтгэлд хоногшсон тул би илүүг тоочиж цаг барах нь илүүц биз.
Ингээд Төрийн шагнал хүртсэн П.Бадарч гуай танд эрүүл энх урт удаан насалж, ихийг бүтээхийг ерөөе. Миний эх орон авьяас эрдэнийн билээ.
Мөнх тэнгэрийн хүчин дор Монголын урлаг соёл дэлгэрч, авьяас билэгтнүүд урлан туурвих нь өргөн болох болтугай” гэв.
"Би “Морьд” найраглалаараа Монголын яруу найрагт морьтойгоо ирсэн"
Ардын уран зохиолч П.Бадарч Төрийн соёрхол хүртсэнийхээ дараа "Та бүгдэд маш их баярлалаа. Төрийн шагналд гурван удаа нэр дэвшиж байлаа. Дөрөв дэх удаагаа нэр дэвшихдээ авлаа. Монголын төрийн хойморт, Ерөнхийлөгч Х.Баттулгад баярлалаа. Миний “Есөн эрдэнийн орон” найраглалд ард түмэн маань дуртай учраас шагнал авсанд маань дуртай байгаа байх.
Олон хүн надад утсаар баяр хүргэж, дахин олон сайхан бүтээл туурвиарай гэсэн. Би 1967 онд "Морьд" хэмээх найраглалаа нэрийдсэн анхны номоо гаргаж байсан юм. Тухайн үед намайг "Морьд" найраглалаараа Монголын утга зохиолд морьтой ирсэн яруу найрагч гэж нэрлэж байлаа.
Монголынхоо ард түмэнд Сар шинийн мэндчилгээ дэвшүүлье. Эрүүл энх байгаарай, мал сүрэг нь өсөж байхын ерөөлийг өргөн дэвшүүлье" хэмээв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
54 СЭТГЭГДЭЛТЭЙ
|
