2019/11/12
Америк доллар
МОНГОЛ БАНК:
2,702.33₮
B30
УЛААНБААТАР
-10°
|
-14°
B30
УЛААНБААТАР
-12°
|
-20°
B30
УЛААНБААТАР
-6°
|
-15°
14:00
S32
-13°
15:00
S32
-13°
16:00
S30
-14°
17:00
S30
-15°
18:00
S29
-16°
19:00
S29
-18°
20:00
S29
-19°
21:00
S29
-19°
22:00
S29
-19°
23:00
S29
-20°
00:00
S29
-19°
01:00
S29
-19°
Энэ мэдээ хуучирсан буюу 2019/01/16 -нд нийтлэгдсэн мэдээ болно.

ВИДЕО: Ерөнхийлөгч Х.Баттулга экс Ерөнхийлөгч Ц.Элбэгдоржийг шалгуулах хүсэлт гаргалаа

А.Төгөлдөр, iKon.mn
2019 оны 1 сарын 16
iKon.MN

Монгол Улсын Ерөнхийлөгч Х.Баттулга прокуроруудтай уулзалт хийж байна. Ерөнхийлөгч Х.Баттулгын хэлсэн үгнээс хүргэе.

"Орлогчийнхоо асуудлыг шийдчихээд нийгэм рүү гар М.Энх-Амгалан прокурор оо" 

Прокурорын байгууллагатай хамтран ажиллах тал дээр би Ерөнхийлөгч болсноосоо хойш маш их чармайн ажиллаж байгаа. 

ЖДҮХС-гаас зээл авсан гишүүдийн асуудлыг УИХ-ын чуулганаар оруулах үед Ерөнхий прокурор М.Энх-Амгалан “Шударга ёс энэ танхимаас эхлэх ёстой. Хаана байна тэр шударга ёс" гэж байсан. Тэр үгийг би энэ танхимд бас хэлмээр байна.    

Ерөнхий прокурорын орлогч Б.Амгаланбаатар ЖДҮХС-гаас хоёр жил дараалан зээл авсан нь тогтоогдсон. Өөрөө ч хүлээсэн. Өнөөдөр ямар ч хариуцлага хүлээлгүйгээр албан тушаалаа хашаад сууж байна. Асуудал гарангуут би дуудаж уулзаад “Ажлаа өгөөд шалгуулаад буцаад орж болно. Өргөдлөө өг” гэж хэлсэн. Харамсалтай нь ажил болоогүй. 

Мөн ЖДҮХС-гаас зээл авсан УИХ-ын гишүүд орлогч прокурор Б.Амгаланбаатартай барьцаж байна гэсэн зүйл яригдаж байгаа. 

Ерөнхий аудитор яг ийм асуудалд холбогдсон. Өөрөө ажлаа өгөөд шалгуулж байгаа. Ерөнхийлөгчийн хэвлэл мэдээллийн албаны дарга, жижиг, дунд үйлдвэр хариуцсан орон тооны бус зөвлөх мөн ажлаа өгөөд шалгуулж байгаа. Энэ бол сайны жишээ. 

Прокурорын тухай хуульд Улсын Ерөнхий прокурор болон түүний орлогчийн бүрэн эрхийг түдгэлзүүлэх асуудлыг эрх бүхий байгууллагын саналыг үндэслэн Монгол Улсын Ерөнхийлөгч шийдвэрлэдэг юм байна. Тэгэхээр Ерөнхий прокурор та бид хоёрт ажил байгаа гэдгийг хууль сануулж байна. Орлогчийнхоо асуудлыг шийдэж байж нийгэм рүү гарахгүй бол болохгүй байна. 

Би Хөдөө аж ахуйн сайд байсан. Миний үед энэ зээл банкаар дамжиж явдаг байсан. 2016 оны арваннэгдүгээр сард сайдын эрх мэдлээр зээл гаргадаг болсон. 

“60 тэмбумын хэргийг дахин УИХ-д оруулж ирэх хэрэгтэй”

60 тэрбумын хэрэгт холбогдсон гишүүний асуудлыг дахин УИХ-д оруулж ирэх хэрэгтэй байна. Тагнуулын Ерөнхий Газарт энэ хэрэг дахин шалгагдаж байгаа. 

Хууль тогтоогчид хоёр тийшээ хараад суучихсан байгаа. УИХ-ын гишүүдийн олонхын саналаар УИХ-ын даргыг чөлөөлдөг болох хуулийн заалтыг аргагүйн эрхэнд санаачилсан. Хэлэлцэж эхэлсэн ч батлах эсэх нь тодорхойгүй байна. Яагаад гэвэл дараагийн дарга, дараагийн сайд хэн болох вэ гэдэг дээр л гацаагаад байгаа нь бүгдэд ил болсон. 

Олон жил утаа ярилаа. Олон зуун тэрбумыг зарцууллаа. Энэ мөнгөний хариуцлагыг яагаад эргэж нэхэхгүй байгаа юм бэ. Зуух өөрөө өөрийгөө оруулж ирээд зараад явахгүй. Оруулж ирсэн эзэн нь тодорхой, зууханд зарцуулсан мөнгө нь тодорхой, Их хурлаар шийдсэн эрх мэдэлтнүүд нь тодорхой байна. 

Хөгжлийн төслүүдийг зохион байгуулалттайгаар зогсоодог. Үүнд оролцсон прокурорууд одоо ч энд сууж байгаа байх. Хөгжлийн хөтөлбөрүүд гэдэгт төмөр зам, Сайншандын аж үйлдвэрийн төвийг дурдаж болж байна. Баялгаа боловсруулдаг үйлдвэр барих гэхэд тэнд эрүү үүсгээд, тэнд ажиллаж байсан хүмүүийг шоронд суулгачихдаг. Төмөр зам бариад нэг улсаас хараат биш болъё гээд бодлогоо батлуулаад ажил эхлэх гэтэл тэнд ажиллаж байсан хүмүүсийг шоронд суулгасан. Дотооддоо хүнсний бүтээгдэхүүний үйлдвэрлэе гэтэл тэнд ажиллаж байсан залуучуудад эрүү үүсгээд шоронд суулгасан. Шинэ хөдөөгөө хөгжүүлье гэхээр хоёрхон сумыг хэрэгжүүлээд бусад төслийг нь зогсоочихдог. Ийм жишиг тогтоод удаж байгаа. Үүнийг зохион байгуулаад байгаа хүмүүс нь МАНАН бүлэглэл юм.  

Үүнийг Монгол Улсын прокурорууд цугларсан дээр ярихгүй бол өөр би хэнд ярих вэ. Утаатай холбоотой баримтыг би энэ долоо хоногт хүлээлгэж өгнө. 

Салхитын мөнгөний орд сүүлийн үед шуугиан дэгдээгээд байгаа. Энэ ордод 1983 онд улсын төсвөөр хайгуул хийгээд одоогийн ханшаар 500 сая ам.доллартай тэнцэх алт, мөнгөний нөөцтэйг тогтоосон. 

2014 оноос хойш хүдрийн баяжмал зөөсөн. Баяжмалыг хилийн цаана боловсруулж мөнгө гаргаад буцаагаад бидэнд зардаг. Өөртөө байгаа, өөрсдийн баялгаа дэлхийн зах зээл дээрээс худалдаж авч байна. 

Уул уурхай тойрсон хэрэг зөрчил их гарч байна. Та нарын хамар дор чинь хууль бус ажиллагаа дэлгэрэн цэцэглэж байна.  

"Ц.Элбэгдорж Таван толгойн ордыг гадныханд өгөх ажлыг М.Энхсайханаар гүйцэтгүүлсэн" 

Иргэн хүнийхээ хувиар Таван толгойн ордын талаар хэдэн мэдээлэл өгье. Ард түмний өмчид байдаг Таван толгойн орд газрыг гэрээгээр халхавчлан 60 болон 40 жилээр сунгагдах нөхцөлтэйгээр үнэгүй өгөх оролдлого саяхан гарсан. Энэ хэргийн талаарх баримт хэлье.  

2015 онд дөрөвдүгээр сард Засгийн газар ийм гэрээ байгуулах гэж байсныг тухайн үеийн УИХ-ын удирдлага болон 40 гишүүн зогсоосон юм. Тэдний нэг нь би. 

Эдийн засгийн асар их өгөөжтэй компанийг ард түмний өмчлөлөөс гаргаад гадныханд 100 жилээр үнэгүй өгөх гэрээг байгуулах ажлыг төрийн өндөр албан тушаалтнууд зохион байгуулсан. Тухайлбал, Монгол Улсын Ерөнхийлөгчөөр хоёр удаа сонгогдсон Ц.Элбэгдорж гэдэг хүн энэ үйл ажиллагааг зохион байгуулсан. Ерөнхий сайд асан М.Энхсайханаар гардан гүйцэтгүүлсэн нь баримтаар нотлогдсон.

Энэ бол 60 тэмбумын нэгэн адил албан тушаалын гэмт хэрэг мөнөөс мөн. Үүнийг яагаад одоо болтол шалгахгүй байгааг асууж байна" гэлээ.  

Ерөнхийлөгч Х.Баттулга Таван толгойн ордтой холбоотой асуудлын баримтыг Ерөнхий прокурор М.Энх-Амгаланд хүлээлгэн өгч, шалгуулах хүсэлт гаргалаа. Тэрбээр уг хүсэлтийг иргэнийхээ хувиар гаргаж буйгаа онцолсон. 

Харин иргэн Х.Баттулгын хүсэлтэд Улсын Ерөнхий прокурор М.Энх-Амгалан “Прокурорын байгууллага зөвхөн хуульд захирагдаж үйл ажиллагаагаа явуулна. Хэн нэгнийг гэмт хэрэг гэж ярихаар нь хэрэгт татдаг, хэн нэгнийг буруутай байх ёстой гэхээр буруутгадаг асуудал миний үед гарахгүй.

Би үүнийг та нарын өмнө, Монгол Улсын Ерөнхийлөгчийн өмнө хэлье. Хэн нэгнийг хэлмэгдүүлж чадахгүй, хэн нэгнийг хариуцлагаас мултлахгүй" гэсэн хариулт өгсөн юм. 

 

x