ХУУЧИРСАН МЭДЭЭ: 2019/01/14-НД НИЙТЛЭГДСЭН
Ерөнхий прокурор асан Д.Дорлигжавын өмгөөлөгч нарын гомдлыг хэлэлцэх шүүх хурал хойшлогдлоо
iKon.MN
Улсын ерөнхий прокурор асан Д.Дорлигжавын өмгөөлөгч Д.Оросоо, А.Ууганбаяр нар Д.Дорлигжавыг нэг сар цагдан хорьсон нь үндэслэлгүй хэмээн үзэж, Хан-Уул дүүргийн Эрүүгийн хэргийн анхан шатны шүүхийн Ерөнхий шүүгчид гомдол гаргасан.
Уг гомдлыг хэлэлцэх шүүх хурал өнөөдөр 15:00 цагт товлогдсон ч өмгөөлөгч нар шинэ нотлох баримт гаргаж танилцуулна гэсэн тул шүүх хуралдааныг 2019 оны нэгдүгээр сарын 16-ны 11:00 цаг хүртэл хойшлууллаа.
Сануулахад, 4 сая ам.долларын хахууль авсан гэх хэрэгт холбогдуулан Д.Дорлигжавыг нэг сар цагдан хорих шийдвэрийг энэ сарын 9-ний өдөр Хан-Уул дүүргийн эрүүгийн хэргийн анхан шатны шүүхээс гаргасан юм.
