Голомт банкны “ҮНДЭСНИЙ ХУРИМТЛАЛЫН ХӨТӨЛБӨР” -т 100,000 гаруй харилцагч нэгджээ

Дэлхийн улс орнуудын эдийн засгийн тусгаар тогтнолын баталгаа нь үндэсний хуримтлалын түвшингээрээ тодорхойлогддог. Тиймээс Голомт банкны хамт олон урт хугацаанд эх орныхоо эдийн засгийн дархлааг нэмэгдүүлэх зорилготой “Үндэсний хуримтлалын хөтөлбөр”-ийг хэрэгжүүлж эхэлснээс хойшхи гурван жилийн хугацаанд 100 мянга гаруй хүн нэгджээ.

 Тус хөтөлбөр нь хуримтлуулах зуршлыг өөртөө төлөвшүүлж чадсан харилцагч бүрт монголын банк санхүүгийн түүхэнд хамгийн өндөрт тооцогдох 20 хувийн урамшууллыг олгодгоороо онцлогтой юм.

Ийнхүү Голомт банкны хамт олон жил бүрийн 10-р сарын 29-ны өдөр тохиодог Дэлхийн хуримтлалын өдрийг хийсэн ажил хэлэх үгтэйгээр угтаж байна.

Дэлхий нийтээр тус өдрийг 94 жилийн тэртээгээс тэмдэглэж ирсэн бөгөөд иргэдийн санхүүгийн боловсролыг дэмжих, хуримтлалын ач тусыг таниулах зорилготой олон арга хэмжээг тогтмол зохион байгуулдаг байна.

Голомт банкны хамт олон дэлхийн хуримтлалын өдрийг тохиолдуулан  хуримтлуулах зуршлыг өөртөө төлөвшүүлж чадсан харилцагчдаа урамшуулж, хуримтлалын ач тусыг таниулах мэдлэг мэдээллийг олгосон арга хэмжээг зохион байгуулсан байна.

Хуримтлал нь таны болон хайртай бүхний тань мөрөөдлийг биелүүлэх гүүр, асгарч болзошгүй үерээс хамгаалах шүхэр, ирээдүйн баталгаа юм. Иймд харилцагч та ЭНД дарж хуримтлалын дансаа нээлгээрэй.