ҮХЦ-ийн гишүүнээр Б.Буяндэлгэр, Ц.Нанзаддорж, Г.Туулхүү, Ш.Солонго нарыг томиллоо

Г.Номин, iKon.mn

2018 оны 5 сарын 24

iKon.MN

Гэрэл зургийг mpa.mn

эрэмбэлэх: шинэ нь эхэнд хуучин нь эхэнд

12:11 2018/05/24

Ш.Солонгыг ҮХЦ-ийн гишүүнээр томиллоо

УИХ-аар Үндсэн хуулийн цэцийн гишүүнийг томилох, чөлөөлөх тухай асуудлыг хэлэлцэж, бүрэн эрхийн хугацаа нь дууссан Д.Сугарын оронд Ш.Солонгыг хуралдаанд оролцсон гишүүдийн 93.3 хувь дэмжлээ.

Мөн Д.Сугарыг үүрэгт ажлаас нь чөлөөллөө.

Төрийн байгуулалтын байнгын хорооны энэ сарын 22-ны өдрийн хуралдаанаар Ш.Солонгыг Үндсэн хуулийн цэцийн гишүүнд нэр дэвшүүлэхийг дэмжээд байсан юм.

11:30 2018/05/24

Үндсэн хуулийн цэцийн гишүүнээр Б.Буяндэлгэр, Ц.Нанзаддорж, Г.Туулхүү нарыг томиллоо

Улсын Их Хурлын чуулганы өнөөдрийн нэгдсэн хуралдаанаар Монгол Улсын Үндсэн хуулийн цэцийн гишүүнийг томилох, чөлөөлөх тухай асуудлыг хэлэлцлээ.

Чуулганы үеэр гишүүд нэр дэшигчид болон холбогдох албаныхнаас асуулт асууж, үг хэлсний дараа Байнгын хорооны саналаар хураалаа.

Нэр дэвшигч Б.Буяндэлгэрийг хуралдаанд оролцсон гишүүдийн 98.4 хувийн саналаар, Г.Туулхүүг хуралдаанд оролцсон гишүүдийн 98.4 хувийн саналаар, Ц.Нанзаддоржийг хуралдаанд оролцсон гишүүдийн 96.4 хувийн саналаар Үндсэн хуулийн цэцийн гишүүнээр тус тус томиллоо.

Мөн бүрэн эрхийн хугацаа нь дуусгавар болсон Монгол Улсын Үндсэн хуулийн цэцийн гишүүн Д.Наранчимэг, Н.Жанцан, Т.Лхагваа нарыг үүрэгт ажлаас нь чөлөөллөө.

УИХ-ын Хууль зүйн байнгын хорооны өчигдрийн хуралдаанаар бүрэн эрхийн хугацаа нь дуусгавар болсон Монгол Улсын Үндсэн хуулийн цэцийн гишүүн Д.Наранчимэгийн оронд Б.Буяндэлгэрийг, Н.Жанцангийн оронд Г.Туулхүүг, Т.Лхагваагийн оронд Ц.Нанзаддоржийг тус тус томилуулах саналыг хэлэлцэж дэмжсэн юм.

Үргэлжлүүлэн Ш.Солонгыг Сонгуулийн ерөнхий хорооны гишүүнээс чөлөөлөх асуудлыг хэлэлцэж байна.

12:11 2018/05/24