МҮАН ирэх сонгуульд АН-тай нэгдэхээ илэрхийллээ
2012 оны сонгуулиар МАХН-тай нэгдэн “Шударга ёс” эвсэл байгуулсан Монголын үндэсний ардчилсан нам /МҮАН/ энэ удаагийн сонгуульд АН-тай нэгдэхэд бэлэн байгаагаа илэрхийллээ.
МҮАН-ын удирдах зөвлөлийн өргөтгөсөн хурал энэ сарын 6-ны өдөр болж дээрх шийдвэрийг гаргажээ. Уг хурлаараа ирэх сонгууль болтол “Шударга ёс” эвслийг хэвээр хадгалах хэдий ч 2016 оны сонгуульд эвслийг хадгалан оролцох боломжгүй гэж үзжээ.
Мөн АН-ын дарга З.Энхболдоос МҮАН-д тавьсан хамтрах саналыг хэлэлцсэн байна. МҮАН-ын удирдах зөвлөлөөс “Монгол Улсын хөгжлийн эрх ашгийг урьтал болгон АН болон улс төрийн бусад нам, хүчинтэй хамтран ажиллахад бэлэн” гэсэн шийдвэр гаргасан байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
