Хүүхдийн зуслан ирэх сарын 2-оос ажиллана

 Ерөнхий боловсролын сургуулийн бага ангийнхны зуны амралт энэ сарын 25-наас эхэлнэ.

Тиймээс нийслэлийн ногоон бүсэд үйл ажиллагаа явуулдаг хүүхдийн зуслангууд эхний ээлжээ хүлээн авах бэлтгэлээ базаагаад байна.

Энэ жил 15 зуслан хүүхэд багачуудыг зуныхаа амралтыг хөгжөөнтэй өнгөрүүлэх боломж олгох бөгөөд ирэх сарын 2-наас эхний ээлжийн амрагчдаа хүлээн авах ажээ.

Тухайлбал, олон улсын “Найрамдал” зуслан ирэх сарын 2-нд эхний ээлжийн хүүхдүүдээ хүлээж авах ажээ. Энэхүү зусланд 6-18 хүртэлх насны хүүхдүүд амрах эрхтэй. Төлбөр нь 125 000-164 500 төгрөгийн хооронд хэлбэлзэх юм байна.