24-нд баруун аймгуудын нутгийн хойд хэсгээр, 25-нд төвийн аймгаар, 26-нд зүүн аймгуудын нутгаар цасаар шуурна

Гэрэл зургийг MPA агентлагийн онцгой зөвшөөрөлтэйгөөр ашиглав

Энэ сарын 24-нд баруун аймгуудын нутгийн хойд хэсгээр, 25-нд төвийн аймгуудын нутгаар, 26-нд зүүн аймгуудын нутгаар цас орж, зөөлөн цасан шуурга шуурахыг цаг уурын байгууллагаас мэдээллээ. 

Ирэх 10 хоногийн цаг агаарын урьдчилсан төлөв 

Хур тунадас:

• 24-нд Увс нуурын хотгор болон Алтай, Хангай, Хөвсгөлийн уулархаг нутгаар,
• 25-нд баруун аймгуудын нутгийн хойд хэсэг, төвийн аймгуудын нутгийн зарим газар, зүүн аймгуудын нутгийн баруун хэсгээр,
• 26-нд төвийн аймгуудын нутгийн зүүн хэсэг, зүүн аймгуудын нутгийн зарим газраар,
• 27-нд Хэнтийн уулархаг нутгаар,
• 28-нд Монгол-Алтайн уулархаг нутгаар,
• 29-нд баруун аймгуудын нутгийн хойд хэсэг, төвийн аймгуудын нутгийн зарим газраар,
• 30, 31-нд зүүн аймгуудын нутгаар цас орж, цасан шуурга шуурна.

Салхи:

• Ихэнх нутгаар секундэд 5-10 метр,
• 24, 25, 29-нд нутгийн зарим газраар,
• 26, 28, 30-31-нд говь, талын нутгаар секундэд 13-15 метр хүрч ширүүснэ.

Агаарын температур:

• Ихэнх нутгаар өдөртөө хүйтний эрч суларч,
• Увс нуур болон Дархадын хотгор, Завхан, Заг-Байдраг голын эх, Идэр, Тэс голын хөндий, Орхон-Туулын бэлчрээр шөнөдөө -38...-43 градус, өдөртөө -27...-32 градус,
• Хангай, Хөвсгөл, Хэнтийн уулархаг нутаг, Орхон, Сэлэнгэ, Хараа, Ерөө, Туул, Тэрэлж, Хэрлэн, Онон, Улз, Халх голын хөндийгөөр шөнөдөө -31...-36 градус, өдөртөө -21...-26 градус,
• говийн бүс нутгийн өмнөд хэсгээр шөнөдөө -15...-20 градус, өдөртөө -4...-9 градус,
• говийн бүс нутгийн хойд хэсгээр шөнөдөө -20...-25 градус, өдөртөө -9...-14 градус,
• бусад нутгаар шөнөдөө -24...-29 градус, өдөртөө -14...-19 градус хүйтэн байна.

Улаанбаатар хот орчмын 10 хоногийн цаг агаарын урьдчилсан төлөв

Хур тунадас: 25, 29-нд ялимгүй цас орно. Бусад хугацаанд цас орохгүй.

Салхи: 25, 29-нд баруун өмнөөс хойш эргэж секундэд 5-10 метр, бусад хугацаанд их төлөв баруун хойноос секундэд 3-8 метр.

Агаарын температур: Хүйтний эрч бага зэрэг суларч, Яармаг-Сонгины орчмоор -31...-36 градус, бусад хэсгээр -23...-28 градус, өдөртөө -13...-18 градус хүйтэн байна.