О.Энхбаатар: Дамбадаржаагаас Шадивлан чиглэлийн 5.3 километр авто зам болон хашлагыг бүрэн шинэчилж байна

Дамбадаржаагаас Шадивлангийн зуслан чиглэлийн 5.3 км авто замыг шинэчилж, хоёр талд нь явган хүний зам хийхээр болжээ.

Энэ тухай НЗХГ-ын Засвар, арчлалтын хяналтын хэлтсийн дарга О.Энхбаатар "Дамбадаржаагийн авто замаас Шадивлан чиглэлийн 5.3 километр авто замыг шинэчлэх ажил хийгдэж байна.

Замын хашлагыг бүрэн солих бөгөөд өнөөдрийн байдлаар 1,500 ширхэг шинэ хашлагыг суурилууллаа. Замын хоёр талд хоёр метрийн өргөнтэй, явган хүний замыг асфальт бетоноор хийнэ.

Гэрээ ёсоор замын засварыг зургаадугаар сарын 30-нд дуусгах ёстой ч зургаадугаар сарын 1-нээс буюу иргэд зусландаа гарахаас өмнө замын зорчих хэсгийн хучилтыг хийж дуусгана. Авто замыг 2.7 километрээр хоёр хувааж, хэсэгчлэн өнгө, суурийн хучилт хийх юм.

Зуслангийн бүсэд Шаргаморьт, Хандгайт, Жигжид, Баянбулаг, Яргайт, Гоодой, Бэлх, Сэлхийн шар усны үерт эвдэрсэн замуудад зургаадугаар сарын 1-нээс өмнө нөхөөс хийж дуусгах төлөвлөгөөтэй ажиллаж байна"

Замын нүхэн эвдрэлийг Шаргаморьтын зуслангаас эхлэн засварлаж байгаа аж.