Нийт 316 тэрбум төгрөгийн зээлээр хэрэгжих дүүжин тээврийн эхнийх нь ирэх онд Яармаг-Хархорин чиглэлд явна
Улаанбаатар хотод Франц улсын нэн хөнгөлөлттэй зээлээр баригдах гэж буй дүүжин замын тээврийн эд ангиудыг хүлээж аваад буй.
Уг тээвэр явах эхний чиглэл нь Яармаг-Хархорин бол хоёрдугаар трасс болох “Үндэсний цэцэрлэгт хүрээлэн-Шангри Ла төв” чиглэлд дүүжин тээвэр явуулах эсэхийг иргэдийн саналаар шийдэхээр болжээ.
Яармаг-Хархорин чиглэлийн агаарын дүүжин замын тээврийн газар чөлөөлөлтийн асуудлыг шийдсэн боловч гүйцэтгэгч аж ахуйн нэгжээс шалтгаалан ажлын явц удаашралтай байгаа аж. Гэсэн ч Яармагийн замаар оргил ачаалалдаа 90 мянган машин явдаг тул “Яармаг-Хархорин” чиглэлийн эхний ажлыг ирэх ондоо багтаан дуусгах юм байна.
Агаарын дүүжин тээврийн төслийг Францын Засгийн газрын нийт 316 тэрбум төгрөгийн нэн хөнгөлөлттэй зээлээр хэрэгжүүлнэ. Ингэхдээ эхний шугам буюу Яармаг-Хархорин чиглэлийн бүтээн байгуулалтад 148 тэрбум төгрөгийг зарцуулах аж.
Дүүжин тээврийн үзүүлэлтээс дурдвал Яармагаас Хархорин хүртэл 4.км замыг туулах бөгөөд хоёр зогсоолтой, нэг кабинд 10 хүний багтаамжтай, зорчих хугацаа нь 11 минут. Тулгуур баганын өндөр 7.5-42 метр байна. Цагт дунджаар 2,300 хүн тээвэрлэж, замын хөдөлгөөний нэвтрүүлэх чадварыг 15%-аар нэмэгдүүлнэ гэж тооцоолжээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
34 СЭТГЭГДЭЛТЭЙ
|
