Сүхбаатар дүүрэгт хуучин орон сууцны үнэ нэг ам метр нь дунджаар 4.7 сая төгрөг байна

Гэрэл зургийг MPA агентлагийн онцгой зөвшөөрөлтэйгөөр ашиглав

2024 оны долдугаар сарын байдлаар Улаанбаатар хотод орон сууцны үнэ өмнөх оны мөн үеэс 12.8 хувиар, өмнөх сараас 1.4 хувиар тус тус өссөн байна.

Нийслэлд шинэ орон сууцны дундаж үнэ 4.1 сая, хуучин орон сууцны үнэ 3.9 сая байна. 

Байршлаас хамаарч Сүхбаатар дүүрэгт байрны үнэ хамгийн өндөр байгаа юм. Тус дүүрэгт хуучин орон сууц ам метр нь 4.7 сая төгрөг хүрээд байгаа бол шинэ нь хуучнаасаа арай хямд буюу 4.3 сая төгрөг байна.

Харин Сонгинохайрхан дүүрэг хуучин орон сууц ам метр нь 2.8 сая, шинэ нь 2.9 сая төгрөг байгаа нь нийслэлд хамгийн хямд үнэд тооцогдоно. 

 

Эх сурвалж: Үндэсний Статистикийн Хороо