ҮСХ: Улсын төсвийн зарлага өмнөх оны мөн үеэс ₮3.9 их наядаар өсжээ
Үндэсний Статистикийн Хороо (ҮСХ)-ноос 2024 оны эхний хагас жилийн статистик мэдээллийн голлох үр дүнг хүргэлээ.
Улсын төсвийн зарлагын өөрчлөлтөд үзүүлсэн нөлөөллийг дараах байдлаар танилцуулав.
Улсын төсвийн зарлага нь өмнөх оны мөн үеэс 3.9 их наяд төгрөгөөр өсжээ.
Тухайлбал бараа, үйлчилгээний зардал өмнөх оны мөн үеэс 2.1 дахин буюу 2.2 их наяд төгрөгөөр өссөн. Үүн дотроо цалин хөлс, нэмэгдэл урамшууллын зардал 1.6 их наяд төгрөг буюу 2.7 дахин нэмэгдсэн.
Бараа, үйлчилгээний бусад зардал 2.3 дахин буюу 290 тэрбум төгрөгөөр нэмэгдсэн байна.
Улсын төсвийн хөрөнгийн зардал өмнөх оны мөн үеэс 59 хувиар нэмэгджээ. Үүн дотроо
- Барилга, байгууламжийн зардал 421 тэрбум төгрөг буюу 43 хувь
- Тоног төхөөрөмжийн зардал 60 тэрбум буюу 32 хувь
- Бусад хөрөнгийн зардал 328 тэрбум төгрөг буюу 2.4 дахин нэмэгдсэн нь улсын төсвийн зарлага өсөхөд гол нөлөөллийг үзүүлснийг мэдээллээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
