М.Бадарч: Архангай аймгийнхаа 100 жилийн ойд бэлэг барих гэсэн мөрөөдөл маань биеллээ
Тулгар төрийн 2232, Их Монгол Улс байгуулагдсаны 817, Үндэсний эрх чөлөө, тусгаар тогтнолоо сэргээн мандуулсны 112, Ардын хувьсгалын 102 жилийн ой, Үндэсний их баяр наадмын хүчит бөхийн барилдаан болж өндөрлөлөө.
Энэ жилийн хүчит бөхийн барилдаанд Архангай аймгийн Цэнхэр сумын харьяат улсын гарди М.Бадарч ес даван түрүүлж улсын арслан цолтон болов. Ерөнхийлөгчийн зарлиг уншуулж улсын арслан цол хүртсэнийхээ дараа баярын сэтгэгдлээ хуваалцлаа.
Тэрбээр "Монгол бөхөө дээдэлдэг ард түмнийхээ уухайгаар сайхан наадлаа. Үндэсний их баяр наадмын хүчит бөхийн барилдаанд түрүүлэхийг олон хүн хүсэж байсан байх. Зарим жил өөрөөсөө болж доогуур даваанд унаж байсан. Энэ жил санаснаараа сайхан барилдъя гэж гарч ирсэн. Архангай аймгийнхаа 100 жилийн ойд бэлэг барих гэсэн мөрөөдөл маань биеллээ.
Архангай аймгийнхаа Бөх билэгт дэвжээ, Монгол Улсын зэвсэгт хүчний алдар спорт хороо, "Нутгийн буян групп" ХХК-ийн хамт олон, гэр бүл, аав ээждээ баярлалаа, хайртай шүү. Манай дэвжээнээс гурван улсын цолтон төрлөө" хэмээн ярив.
ФОТО:
