Коронавирусийн эсрэг вакцины III тунд 968,478, IV тунд 36,404 хүн хамрагдаад байна
Өнгөрсөн хоногт улсын хэмжээнд 1,423 хүн вакцины гурав дахь тунд хамрагдсан бол дөрөв дэх тунг 1,605 хүн хийлгэжээ.
Ингэснээр вакцины дархлаа сэргээх нэмэлт нэг дэх тунд хамрагдсан иргэдийн тоо хүн амын 30 хувьд хүрлээ. Энэ нь 18-аас дээш насны иргэдийн 49.4 хувийг эзэлж байгаа юм.
Харин дөрөвдүгээр тун буюу дархлаа сэргээх хоёр дахь тунд хамрагдсан иргэдийн тоо хүн амын 1.1 хувийг эзэлж байна.
Коронавирусийн эсрэг вакцинжуулалт эхэлснээс хойш өнөөдрийн байдлаар нийт 5,440,976 хүн тун вакцин хийжээ. Үүнээс
- I тунд 2,267,969,
- II тунд 2,168,125,
- III тунд 968,478,
- IV тунд 36,404 хүн тус тус хамрагдсан байна.
Энэ удаа Омикрон хувилбарт халдварын давлагааны оргил үед өдөрт шинээр 15,000-20,000 тохиолдол илэрнэ гэдгийг Эрүүл мэндийн яамнаас анхааруулж байгаа. Иймд иргэд амны хаалтаа сайтар зүүж, хүн хоорондын зайгаа баримтлах зэргээр халдвар хамгааллын дэглэмээ мөрдөхийг уриалж байна.
