Уншиж байна ...
ХУУЧИРСАН МЭДЭЭ: 2021/11/25-НД НИЙТЛЭГДСЭН

ЗӨВЛӨГӨӨ: Автомашин холбож асаахад анхаарах зүйлс

ikon.mn
2021 оны 11 сарын 25
iKon.MN
Зураг зураг
Гэрэл зургийг mpa.mn

Машин холбож асаахад анхаарах хэд хэдэн зүйл байдаг. Эдгээр зөвлөмжийг дагаснаар аюулгүй асаахад тус болохыг Автотээврийн үндэсний төвөөс зөвлөлөө.

  • Суусан болон холбогч машины аккумулятор ижилхэн вольттой байх ёстой (ихэнх аккумулятор 12в байдаг) мөн ойролцоо ампер цагтай байхыг үйлдвэрлэгчийн гарын авлага ном дээр зөвлөдөг.
  • Хоёр машиныг ойртуулан зогсоох хэрэгтэй. Гэхдээ хооронд нь хүргэж болохгүй. Ингэвэл богино холболт үүснэ.
  • Хоёр машины түлхүүрийг хариулж, гэрэл болон бусад цахилгаан хэрэгслийг унтраасан байх хэрэгтэй. Мөн машиныг P араанд эсвэл N араанд хийгээд гар тоормосоо татсан байвал зохино.
  • Холбох үедээ ойролцоо тамхи татах хориотой. Галын цог, оч аккумулятор дэлбэрэхэд хүргэж болзошгүй.
  • Хэрвээ суусан машины аккумулятор хөлдсөн бол холбоод хэрэггүй! Хөлдсөн аккумулятор дэлбэрдэг. Хөлдсөн эсэхийг аккумуляторын цэнэгийн индикатор цонхоор хараад мэдэх боломжтой. Мөн хөлдсөн аккумулятор пөмбийсөн байдаг.
  • Нэмэхийг нь нэмэх шонд, хасахыг нь хасах шонд холбохоо маш сайн анхаараарай. Хооронд нь соливол гал хамгаалагч шатна. Тиймээс маш хянамгай байгаарай.
  • Суусан машины холбогчийн (-) шонг хөдөлгөөнтэй эд анги, түлшний систем, цахилгаан эд ангитай холбож болохгүй. Хамгийн тохиромжтой амортизаторын тавагны боолт эсвэл үйлдвэрлэгчээс зөвлөсөн тухайн хэсэгт.

Суусан машины аккумуляторын хасах шонд холбогчийг холбож болохгүй. Учир нь холбох үед оч үсэрдэг бөгөөд үүнээс болж аккумулятор тэсрэх аюултай байдаг. Тиймээс хөдөлгүүрийн металл хэсэгт шонг холбохыг зөвлөлөө.

 


Эх сурвалж: АТҮТ