Хэрэглэдэггүй зүйлсээ бусдад хандивлах нь тогтвортой хөгжилд оруулах таны хувь нэмэр
Тогтвортой хөгжлийн зорилтуудын талаарх ойлголт танд хөл хөндий санагддаг уу, тэдгээр зорилт нь та бидний амьдралын хэвшилтэй хэрхэн холбогддог болохыг мэдэх үү?
НҮБ-ын Ерөнхий Ассамблейн Тогтвортой хөгжлийн дээд хэмжээний 2015 оны есдүгээр сард зохион байгуулагдсан чуулга уулзалтаар 17 зорилго, 196 зорилт, 244 шалгуур үзүүлэлт бүхий 2030 он хүртэлх "Дэлхийн Тогтвортой хөгжлийн хөтөлбөр"-ийг улс орнууд баталсан.
Манай улсын хувьд мөн дэлхийн хөгжлийн чиг хандлагатай хөл нийлүүлэх зорилгын хүрээнд "Хөгжлийн бодлого, төлөвлөлтийн тухай" хуулийг 2015 онд, "Монгол Улсын Тогтвортой хөгжлийн үзэл баримтлал-2030" бодлогын баримт бичгийг 2016 онд баталсан.
Тэгвэл тус 17 зорилтыг биелүүлэхэд иргэн ТАНЫ ОРОЛЦОО юу байх вэ?
Ядуурлыг устгах
Таны оролцоо: Өөрийн хэрэглэхгүй байгаа зүйлсээ бусдад хандивла. Монгол Улсад гурван хүн тутмын нэг нь ядуу байна.
Өлсгөлөнг зогсоох
Таны оролцоо: Хоол хүнс хаяхаас зайлсхий. Дэлхийд хоол хүнсний 1/3-ээс их нь хаягдаж байна.
Эрүүл мэндийг дэмжих
Таны оролцоо: Тамхи татахаа зогсоож, согтууруулах ундааны хэрэглээг хязгаарлан эрүүл хоол хүнс хэрэглэж, дасгал хөдөлгөөн байнга хий. Эмчийн зааваргүйгээр антибиотик бүү хэрэглэ.
Чанартай боловсролыг дэмжих
Таны оролцоо: Хүүхэд бүр хаана аж төрж байгаагаасаа үл хамааран чанартай боловсрол эзэмшихэд нь тусал.
Жендэрийн эрх тэгш байдлыг хангах
Таны оролцоо: Аль нэг хүйсийг дорд үзсэн үг хэллэг, зан үйлийг эсэргүүц.
Баталгаат ундны ус, ариун цэврийн байгууламжаар хангах
Таны оролцоо: Усаа хэмнэ. Монгол Улсын нийт хүн амын 64 хувь нь л сайжруулсан усны эх үүсвэртэй байна.
Сэргээгдэх эрчим хүчийг нэвтрүүлэх
Таны оролцоо: Эрчим хүчийг хэмнэсэн цахилгаан хэрэгсэл, чийдэн гэрлийг ашигла. Мөн хэрэглээгүй үедээ цахилгаан хэрэгслээ унтрааж бай.
Зохистой хөдөлмөр ба эдийн засгийн өсөлтийг дэмжих
Таны оролцоо: Ажилчдадаа тэгш боломжийг олгодог, байгаль орчинд ээлтэй компаниудаар үйлчлүүл.
Инновац болон дэд бүтцийг хөгжүүлэх
Таны оролцоо: Хуучин эд материалыг дахин ашиглах шинэлэг арга замыг бодож ол.
Тэгш бус байдлыг бууруулах
Таны оролцоо: Ялгаварлан гадуурхалтын эсрэг дуу хоолойгоо өргө.
Ээлтэй хот, иргэдийн оролцоог дэмжих
Таны оролцоо: Хотынхоо агаарыг цэвэр байлгахын тулд дугуй унах, явган явах, нийтийн тээврээр зорчихыг эрхэмлэ.
Хариуцлагатай хэрэглээг дэмжих
Таны оролцоо: Цаас, хуванцар, шил, хөнгөн цагаан материалыг дахин боловсруул.
Уур амьсгалын өөрчлөлтийн үр нөлөөг багасгах
Таны оролцоо: Түүхий нүүрсний хэрэглээг багасга, мөн хог бүү шатаа. 2010 оноос хойш Монгол Улсад нүүрстөрөгчийн ялгаруулалт гурав дахин ихэссэн байна.
Далай тэнгисийн нөөцийг хамгаалах
Таны оролцоо: Ундны усны үнэт эх үүсвэр болох гол мөрөн, нуруудаа цэвэр байлгаж, хамгаал.
Хуурай газрын экосистемийг хамгаалах
Таны оролцоо: Нэн ховордсон ан амьтдыг болон тэдний амьдрах орчныг хамгаал.
Энх тайван шударга ёсыг цогцлоох
Таны оролцоо: Үндэсний болон орон нутгийн шийдвэр гаргагчдыг сонгохдоо өөрийн сонгох эрхээ бүрэн хэрэгжүүл.
Хөгжлийн төлөөх түншлэлийг бэхжүүлэх
Таны оролцоо: "Тогтвортой хөгжлийн зорилтууд"-ын тухай мэдлэгээ бусдад түгээгээрэй.
Эх сурвалж: Монгол Улс дахь НҮБ
