Сүүлийн үед орон сууцны хулгайн гэмт хэрэг үйлдэгдэх болсон тул иргэд сэрэмжтэй байхыг ЦЕГ-ын Мөрдөн байцаах албаны дарга Д.Отгонжаргал анхаарууллаа.
Тэрбээр "Сүүлийн өдрүүдэд нийслэлийн ногоон бүс болох зуслангийн айлуудаас эд зүйл хулгайлах гэмт хэрэг нэмэгдэх хандлагатай байгаа тул иргэд өөрсдийн гэр орон, эд хөрөнгөө харуул хамгаалалттай байлгах, зуслангийн чиглэлд ажилладаг дохиолол хамгаалалтын газруудтай хамтран ажиллахыг зөвлөж байна.
Мөн Баянзүрх, Сүхбаатар, Чингэлтэй дүүргийн нутагт орон сууцны хаалгыг өрөмдөн найман гэмт хэрэг гарсан ч одоогоор эзэн холбогдогчийг олоогүй байгаа. Өөрөөр хэлбэл, айл өрхийн хаалгыг өрөмддөг гэмт этгээдүүд баригдаагүй байна.
Тухайн этгээдүүд нь
Энэ мэт хохирол ихтэй гэмт хэргийг үйлдсэн нь анхаарал татаж байгаа. Эдгээр бүх хотхон харуул хамгаалалттай ч энэ мэт гэмт хэрэг гарч байгаа тул харуул хамгаалалтын аж ахуйн нэгжүүд, айл өрхүүд анхаарлаа дээшлүүлэх, камерын хяналтыг сайжруулах шаардлагатай байна.
Бид энэ тал дээр иргэдээс мэдээлэл авах ажлыг зохион байгуулж, тодорхой сэжиг бүхий этгээдүүдийг шалгаж байгаа" гэсэн юм.
Түүнчлэн "Иргэд байгууллагаас төлбөртэй мэдээлэл авах үнэлгээний жишиг буюу 2017 онд Хууль зүй, дотоод хэргийн сайд, Сангийн сайдын хамтран баталсан журам бий.
Тус журмаар,
Тиймээс иргэд сэжигтэй овор ихтэй зүйл авч яваа, бусдын барилга байгууламжийн камерыг эвдэж байгаа зэрэг мэдээллийг цагдаагийн байгууллага дээрх журмын дагуу мэдээлэл худалдаж авна" гэдгийг хэллээ.