ХУУЧИРСАН МЭДЭЭ: 2021/06/21-НД НИЙТЛЭГДСЭН
Хоёр долоо хоног дараалан Pfizer вакцин татан авахаар төлөвлөжээ
iKon.MN
Гэрэл зургийг mpa.mn
Япон Улсын Засгийн газар манай улсад 21.5 сая ам.долларын буцалтгүй тусламж үзүүлэхээ илэрхийлээд байсан билээ.
Энэ тусламжийн хүрээнд нийт 2.35 сая орчим тун Pfizer вакциныг нийлүүлэхээр болсноос эхний 84,240 тун вакциныг зургаадугаар сарын 16-ны өдөр манай улс хүлээн авсан.
Дараагийн ээлжийн 85,410 тун Pfizer вакцин зургаадугаар сарын 23-ны өдөр ирэхээр төлөвлөгджээ. Мөн ирэх долоо 7 хоногт дахин 85,410 тунгийн татан авалт хийгдэх тухай Гадаад харилцааны яамнаас мэдээллээ.
Өнөөдрийн байдлаар манай улс 209,980 тун Pfizer вакцин хүлээн авсан байна. Уг вакцинаар жирэмсэн эхчүүд болон 16-17 насны хүүхдүүдийг дархлаажуулж байгаа юм.
Pfizer вакциныг ХӨСҮТ-ийн агуулахад хадгалж байгаа аж.
