Улаанбаатарт 2,869, орон нутагт 427 хүүхэд коронавирусийн халдвараар өвчилжээ
Улсын хэмжээнд бүртгэгдсэн коронавируст халдварын нийт 16,603 тохиолдлын 20 хувь нь хүүхдүүд гэдгийг ХӨСҮТ-ийн Тандалт, судалгааны албаны дарга Ж.Байгалмаа хэллээ.
Тэрбээр "Өнөөдрийн байдлаар 0-17 насны 3,318 хүүхэд коронавируст халдвараар өвчилжээ. Энэ нь нийт өвчлөлийн 20 орчим хувийг эзэлж байгаа.
Халдвар авсан хүүхдүүдийн 2,869 нь буюу 86 хувь нь Улаанбаатарт бүртгэгдсэн бол 22 хүүхэд нь гадаадаас халдвартай ирсэн. 427 хүүхэд аймаг орон нутагт халдвар авсан байгаа юм.
Хүүхдүүдийн гэр бүлд халдвартай хүн байгаа бол бид PCR шинжилгээг авч байгаа. Гэхдээ нэг хүртэлх насны хүүхдээс сорьц авах нь тийм ч хялбар биш байдаг тул ихэнх үед энэ насны хүүхдээс сорьц авахгүй байхыг хичээж буй.
Зарим тохиолдолд уян бамбараар амны хөндий буюу залгиураас нь сорьц авдаг. Мөн нэгээс дээш настай хүүхдүүдэд залгиурын сорьцыг авч буй" гэсэн юм.
ВИДЕО:
