• 11 сарын 21, Пүрэв
|
Уншиж байна ...
ХУУЧИРСАН МЭДЭЭ: 2021/02/24-НД НИЙТЛЭГДСЭН

Орон нутагт сургууль, цэцэрлэгийн танхимын хичээлийг 3 дугаар сарын 1-нээс эхлүүлнэ. Нийслэлийнхийг 10-наас эхлүүлэх БШУЯ-ны саналыг ЗГ дэмжээгүй байна

Т.Саран, iKon.mn
2021 оны 2 сарын 24
iKon.MN
Зураг зураг
Гэрэл зургийг MPA.mn
эрэмбэлэх:   шинэ нь эхэнд хуучин нь эхэнд

13:35 2021/02/24

Боловсрол, шинжлэх ухааны яам нийслэлийн ерөнхий боловсролын сургуулийн хичээлийг 2021 оны 3 дугаар сарын 10-ны өдрөөс, цэцэрлэг, хүүхэд харах төв, их, дээд сургууль, коллеж, Мэргэжлийн сургалт, үйлдвэрлэлийн төвийн хичээлийг 2021 оны 4 дүгээр сарын 1-ний өдрөөс эхлүүлэхээр санал оруулсан ч дэмжээгүй болохыг Засгийн газрын Хэвлэл мэдээлэлтэй харилцах газраас мэдээлж, өгсөн мэдээллээ тодотголоо.

Харин аймаг, сум, тосгон, баг дахь ерөнхий боловсролын сургууль, цэцэрлэг, хүүхэд харах төвийн хичээлийг 2021 оны 3 дугаар сарын 1-ний өдрөөс эхлүүлэх юм байна.

 

12:53 2021/02/24

Засгийн газрын ээлжит хуралдаан өнөөдөр боллоо.

Аймаг, сум, тосгон, баг дахь ерөнхий боловсролын сургууль, цэцэрлэг, хүүхэд харах төвийн хичээлийг  2021 оны 3 дугаар сарын 1-ний өдрөөс эхлүүлэхээр боллоо. Танхимын сургалтыг зөвхөн хоцрогдол арилгах чиглэлээр хэсэгчилсэн байдлаар явуулна.

Хүүхэд, эцэг, эх, асран хамгаалагч нь танхим, теле болон цахим сургалтын алинд нь хамрагдахаа сонгох юм. Орон нутаг дахь их, дээд сургууль, коллеж, Мэргэжлийн сургалт, үйлдвэрлэлийн төв хичээллэхгүй.

Боловсрол, шинжлэх ухааны яам:

  1. Нийслэлийн ерөнхий боловсролын сургуулийн хичээлийг 2021 оны 3 дугаар сарын 10-ны өдрөөс
  2. Цэцэрлэг, хүүхэд харах төв, их, дээд сургууль, коллеж, Мэргэжлийн сургалт, үйлдвэрлэлийн төвийн хичээлийг 2021 оны 4 дүгээр сарын 1-ний өдрөөс эхлэхээр бэлтгэлээ хангасан байна.

Хэдийгээр иргэд, аж ахуйн нэгж, байгууллагуудыг ажил, амьдрал, бизнесийн хэвийн горимд оруулж, дархлаажуулалт эхэлсэн ч энэ нь цар тахлын аюул ард хоцорсон гэсэн үг биш. Иймээс хатуу хөл хорио тогтоосон 12 хоногт голомтыг хумьж, тархалтыг зогсоох чиглэлээр хийсэн ажил болон “Нэг хаалга-Нэг шинжилгээ”-ний үр дүнг бататгах, эрсдэлээс сэргийлэх, халдварын нөхцөл байдал зэргийг харгалзан тухай бүрт нь шийдвэрлэхээр болов.

13:35 2021/02/24

Боловсрол, шинжлэх ухааны яам нийслэлийн ерөнхий боловсролын сургуулийн хичээлийг 2021 оны 3 дугаар сарын 10-ны өдрөөс, цэцэрлэг, хүүхэд харах төв, их, дээд сургууль, коллеж, Мэргэжлийн сургалт, үйлдвэрлэлийн төвийн хичээлийг 2021 оны 4 дүгээр сарын 1-ний өдрөөс эхлүүлэхээр санал оруулсан ч дэмжээгүй болохыг Засгийн газрын Хэвлэл мэдээлэлтэй харилцах газраас мэдээлж, өгсөн мэдээллээ тодотголоо.

Харин аймаг, сум, тосгон, баг дахь ерөнхий боловсролын сургууль, цэцэрлэг, хүүхэд харах төвийн хичээлийг 2021 оны 3 дугаар сарын 1-ний өдрөөс эхлүүлэх юм байна.