Коронавирусийн эсрэг вакцинжуулалтыг эхлүүлэх хугацааг өнөөдөр ЭМЯ-наас мэдээлэхдээ алдаатай хэлжээ.
Тодруулбал, коронавирусийн халдварын тархалтын талаарх 11:00 цагийн ээлжит мэдээллийг өнөөдөр /2021.02.10/ ЭМЯ дамжуулах үед “ЭМЯ долоодугаар сараас эхлэн дархлаажуулах үйл ажиллагааны төлөвлөгөөг Шадар сайдаар батлуулаад хэрэгжүүлэх шатанд явж байна” гэж ЭМЯ-ны яамны ахлах шинжээч Д.Нарангэрэл хэлсэн юм.
Видео:
Тэгвэл Ерөнхий сайд Л.Оюун-Эрдэнэ дөнгөж сая "Эрүүл мэндээ хамгаалж, эдийн засгаа сэргээх 10 их наядын цогц төлөвлөгөө"-г танилцуулах үеэрээ "ДЭМБ-ын зөвшөөрсөн вакцинуудыг татаж авах ажлыг гуравдугаар сарын 1-нээс өмнө зохион байгуулна" гэдгийг хэлсэн юм.
Ийнхүү эрх бүхий төрийн байгууллагууд зөрүүтэй мэдээлэл өгсөн нь олон нийтийг мөн л төөрөгдүүлэв.
Энэ тухай Ерөнхий сайд Л.Оюун-Эрдэнэ "ЭМЯ-ны мэдээлэл нь долоодугаар сарын 1-н хүртэл бүрэн арга хэмжээ авна гэсэн санаатай байсан болов уу” хэмээн залрууллаа.