МҮОНРТ-ийн Үндэсний зөвлөлийн гишүүнээс чөлөөлөх, томилох асуудлыг өнөөдөр 14:00 цагаас УИХ-ын Төрийн байгуулалтын байнгын хорооны хуралдаанаар хэлэлцэх гэж байна. 

Тус зөвлөл нь 15 гишүүнтэй. Үүнээс долоон гишүүний бүрэн эрхийн хугацаа дуусаж, дараагийн хүнийг томилох шаардлагатай болсон. 

Олон нийтийн радио, телевизийн тухай хуулийн 21.1-д “Үндэсний зөвлөл нь олон нийтийн ашиг сонирхлыг төлөөлөх орон тооны бус байгууллага бөгөөд 15 гишүүнтэй байна, 21.2-т Үндэсний зөвлөлийн гишүүний бүрэн эрхийн хугацаа 6 жил байна” гэж заасан байдаг. Энэхүү хуульд Үндэсний зөвлөлийн 15 гишүүний долоог УИХ-аас, Монгол Улсын Ерөнхийлөгч, Засгийн газраас тус бүр дөрвөн хүнийг нэр дэвшүүлэхээр заажээ.  

Бүрэн эрхийн хугацаа нь дуусаж буй 7 гишүүн 

Юуны өмнө Үндэсний зөвлөлийн гишүүний бүрэн эрхийн хугацаа нь дуусгавар болж, чөлөөлөгдөх гэж буй долоон гишүүнийг танилцуулъя. 

• УИХ-аас нэр дэвшүүлсэн: Б.Энхмандах, Б.Батбаяр, Д.Оюун-Эрдэнэ, Д.Цэндсүрэн,
• Монгол Улсын Ерөнхийлөгчөөс нэр дэвшүүлсэн: Д.Нямсамбуу,
• Засгийн газраас нэр дэвшүүлсэн: Б.Золбаяр, З.Энхболд

Дээрх долоон хүнийг дэвшүүлсэн субьектээс яг энэ тоогоороо дахин нэр дэвшүүлнэ. 

УИХ-аас нэр дэвших хүсэлтээ 29 хүн ирүүлжээ 

УИХ-аас нэр дэвшүүлэх дөрвөн квотын төлөө 29 хүн өрсөлдөхөөр материалаа өгсөн байна. Өөрөөр хэлбэл, Үндэсний зөвлөлийн гишүүн болох хүсэлтэй 29 хүнээс дөрвийг нь л сонгоно. Эдгээр хүмүүсийг танилцуулбал, 

1. Данзангийн Нямаа,
2. Дамдингийн Цоодол, 
3. Баасанжавын Ганболд,
4. Баттөмөрийн Даариймаа,
5. Гэлэгпилийн Чулуунбаатар, 
6. Мянганбуугийн Наранбаатар, 
7. Содномдовжидийн Нямбаяр,  
8. Хаянхярваагийн Амгаланбаатар,
9. Галын Амарсанаа, 
10. Батнасангийн Оюунгэрэл,
11. Адъяадоржийн Мөнхсүх,
12. Мөнхболдын Эрдэнэчимэг, 
13. Баарангийн Пүрэвдаш,
14. Чулуунбаатарын Батцэнгэл,
15. Шагдарсүрэнгийн Отгон-Өлзий,
16. Дэшигрэнцэнгийн Оюун-Эрдэнэ,
17. Сэнгээгийн Баярмөнх,
18. Лувсандашийн Нинжжамц, 
19. Хайнжамцын Бүрэнтогтох,
20. Лхагвасүрэнгийн Алтангэрэл, 
21. Галсангийн Галтайхүү, 
22. Шагдарсүрэнгийн Ариунаа, 
23. Өлзийгийн Цэвэлсүрэн, 
24. Мөнхөөгийн Мөнхболд,
25. Дэмчигийн Оюунчимэг, 
26. Баасангийн Цэдэн,
27. Хүнбишийн Болортуяа, 
28. Цэндийн Энхбат 

Ерөнхийлөгч Х.Баттулга Хэвлэлийн албаны дарга асангаа нэр дэвшүүлжээ 

Харин Ерөнхийлөгч нэг хүнийг нэр дэвшүүлэх эрхтэй. Тэрбээр өөрийн Хэвлэлийн албаны даргаар ажиллаж байсан Ж.Цэсэнг нэр дэвүүлсэн байна. 

Засгийн газраас хоёр хүнийг нэр дэвшүүлэх бөгөөд нэг нь iToim.mn сайтын эрхлэгч Г.Отгонбаяр бол нөгөөгийн нь нэр одоогоор тодорхойгүй байна.

Дээрх нэр дэвших хүсэлтэй хүмүүс дунд МҮОНРТ-ийн ерөнхий захирлын орон тооны сонгон шалгаруулалтад өрсөлдөхөөр материалаа хүргүүлсэн хүмүүс ч байгаа юм. Тухайлбал, С.Баярмөнх, Ш.Отгон-Өлзий нар ерөнхий захирлын сонгон шалгаруулалтад оролцохоор болсныг бид өмнө нь мэдээлсэн. 

Мөн бүрэн эрхийн хугацаа нь дуусаж буй Д.Оюун-Эрдэнэ УИХ-аас дахин нэр дэвшихээр материалаа хүргүүлжээ. Түүнчлэн МҮОНРТ-ийн ерөнхий захирлын албан тушаалаас өөрийн хүсэлтээр чөлөөлөгдсөн Л.Нинжжамц Үндэсний зөвлөлд нэр дэвшсэн байна.