Хүн амын тооллогын олон улсын 30 дугаар бага хурал XII сарын 2-4-ний өдрүүдэд болно

Монгол Улсын Үндэсний статистикийн хороо Америк, Ази, Номхон далайн улс орнуудын үндэсний тооллого, статистикийн байгууллагын дарга нарын нийгэмлэгийн 2018-2020 оны Ерөнхийлөгчөөр сонгогдон ажиллаж байна. 

Улмаар Хүн амын тооллогын 30 дугаар бага хурлыг Монгол Улс зохион байгуулах хүндтэй үүргийг хүлээсэн бөгөөд ирэх сарын 2-4-ний хооронд цахим хэлбэрээр явуулна гэж Үндэсний статистикийн хорооноос мэдээллээ.

Уг хурлыг Америк, Ази, Номхон далайн улс орнуудын үндэсний тооллого, статистикийн байгууллагын дарга нарын нийгэмлэг болон Бүгд найрамдах Солонгос улсын статистикийн газартай хамтран зохион байгуулах бөгөөд хүн амын статистикийн цогц мэдээллийг цуглуулах, түүнд дүн шинжилгээ хийх, хамтын ажиллагааг хөгжүүлэх зорилгоор “Хүн амын тооллогын хурал”-ыг 1.5-2 жил тутамд гишүүн орнуудыг оролцуулдаг аж.

Харин Монгол Улсын Үндэсний статистикийн хороо нь Хүн ам тооллогын 20, 26-р бага хурлыг эх орондоо зохион байгуулж байжээ.

Эх сурвалж: ҮСХ