"COVID-19-ийн эмчилгээний нэг баг дөрвөн хүний бүрэлдэхүүнтэй ба нийт 10 баг ХӨСҮТ-д ажиллаж байна"
ХӨСҮТ-ийн Тандалт судалгааны албаны дарга А.Амбасэлмаа сэтгүүлчдийн асуултад хариулав.
- Эмчилгээ хийж буй эмч нараас бүрдсэн нэг баг хэдэн хүнтэй байдаг вэ?
-Коронавируст халдвараар өвчилсөн хүмүүсийг эмчилж буй баг тус бүр нэг эмч, нэг сувилагч, нэг асрагч, нэг ариутгагч гэсэн дөрвөн хүний бүрэлдэхүүнтэй байдаг. Одоогоор ХӨСҮТ-д эмчилгээ үйлчилгээний 10 баг бий.
Шаардлагатай тохиолдолд хоёр эмч орох зэргээр ажиллаж байна.
-Эмчилгээний талаар тодруулж өгөхгүй юу?
-Эмчилгээний хувьд олон улсын жишгээр явж байгаа. ДЭМБ-ын эмчилгээний удирдамж байнга өөрчлөгдөж, шинэчлэгдэж байдаг. Тухай бүрд нь манай эмч нар дэлхийн жишигт нийцүүлэн ажиллаж байгаа.
Эмчилгээний эхний үед вирусийн эсрэг Ремдесивир, Лановер, Авиган, Арбидол зэрэг дөрвөн төрлийн эмийг хэрэглэж буй. Мөн дархлаа дэмжих эмчилгээг хийж байгаа.
ВИДЕО:
