Улсын онцгой комиссын Шуурхай штабын ээлжит хэвлэлийн хурлын дараа Гадаад харилцааны сайд Д.Цогтбаатараас БНХАУ-д тусламж болгон өгөх 30,000 хонины талаар тодрууллаа.
- Ерөнхийлөгч Х.Баттулга БНХАУ-д айлчлахдаа 30,000 толгой хонь тус улсад өгөх гэрчилгээг гардуулсан. Энэ тусламжийг хэзээ өгөх вэ?
-Бид энэ асуудлыг ярьж байгаа бөгөөд БНХАУ-ын талтай хэрхэн хүлээлгэж өгөх тал дээр төлөвлөгөөгөө сайн боловсруулан ажиллахаар ярьж байна.
-Хүлээлгэж өгөх хонь бэлэн, тоо нь гүйцсэн хэрэг үү?
-30,000 хонь бэлэн байгаа. Хятадын тал маргааш авна гэсэн ч бид хүлээлгэн өгөхөд бэлэн байна.
-Хонийг иргэдийн хандиваар цуглуулсан уу? Эсвэл дан ганц улсаас гаргах уу?
-Янз бүр. Зарим иргэн, аймаг аймгаар өгч байна.