ҮЙЛ ЯВДАЛ: Монгол Тэмүүлэл сургуулийн эцэг, эхчүүд БСШУСЯ-ны удирдлагуудаас шаардлагынхаа хариуг нэхнэ
НҮБ-ын байрны 3-р давхрын хурлын танхимд
08:30 цагт Бэлгийн боловсролын олон улсын арга зүйн удирдамжийг танилцуулна.
БСШУСЯ-ны гадна талбайд
10:30 цагт БСШУСЯ-ны харьяа Төрийн өмчийн Монгол Тэмүүлэл сургуулийн эцэг, эхчүүд БСШУСЯ-ны удирдлагуудаас тус сургуулийг өмчлөлийн байрнаас нь хөөж, хүүхдүүдийг улс төрийн золиосонд хохироох гэж байгааг эсэргүүцсэн шаардлагынхаа хариуг нэхнэ.
МУИС-ийн номын сангийн 202 тоотод
11:00 цагт "Боловсрол төвтэй улс төр" ТББ-с зохион байгуулж буй Венесуэл улсын нийгэм улс төрийн томоохон төлөөлөгч Профессор Александра Панзареллигийн "Венесуэл улсын ардчилал яагаад нурав" сэдэвт лекц болно.
Монгол ньюс мэдээллийн төвд
11:00 цагт Хөдөлмөрийн аюулгүй байдал, эрүүл ахуйн үндэсний тогтолцоог төгөлдөржүүлэхэд тодорхой хувь нэмэр оруулж буй “Нэн түрүүнд ХАБ” бага хурлыг “Аюулгүй байдалд манлайлах нь" уриан дор 10 дугаар сарын 1,2-ны өдрүүдэд зохион байгуулах талаар Мэргэшсэн хөдөлмөрийн аюулгүй байдал, эрүүл ахуйн мэргэжилтнүүдийн холбоо, “Оюу толгой” ХХК, "Эрдэнэт үйлдвэр" ТӨҮГ-аас мэдээлэл хийнэ.
12:00 цагт Монголын төрөөс урвагч, луйварчдыг зайлуулах, цэвэрлэх зорилгоор байгуулагдсан "Монголын Үндэсний фронт" -оос мэдээлэл хийнэ.
Үндэсний мэдээллийн төвд
11:30 цагт “Босоо хөх Монгол” ТББ-ын тэргүүн Монгол Улсын харцага Г.Ганхуягийг трансжендерүүдийн эрхийг зөрчсөн асуудлаар цагдан хорьж байгаа талаар Хөвсгөл нутгийн иргэд, салбар салбарын төлөөлөл мэдээлэл хийнэ.
МҮХАҮТ-ын 503 тоотод
14:00 цагт "Боловсрол төвтэй улс төр" ТББ-с зохион байгуулж буй Венесуэл улсын нийгэм улс төрийн томоохон төлөөлөгч Профессор Александра Панзареллигийн "Хувийн өмчийг төр хэрхэн хамгаалах вэ" лекц болно.
