2019/10/21
Америк доллар
МОНГОЛ БАНК:
2,679.03₮
B30
УЛААНБААТАР
|
-4°
B30
УЛААНБААТАР
|
-5°
B30
УЛААНБААТАР
|
-9°
11:00
S30
12:00
S30
13:00
S26
14:00
S30
15:00
S30
16:00
S30
17:00
S30
18:00
S29
19:00
S29
20:00
S29
-1°
21:00
S29
-2°
22:00
S29
-3°
Энэ мэдээ хуучирсан буюу 2019/01/13 -нд нийтлэгдсэн мэдээ болно.

Үндсэн хуулийн өдөрт зориулсан хүчит 256 бөхийн барилдаанд Монгол Улсын харцага О.Хангай түрүүллээ

ikon.mn
2019 оны 1 сарын 13
iKon.MN

Монгол Улсад Ардчилсан шинэ Үндсэн хууль батлагдсаны 27 жилийн ойг тохиолдуулан үндэсний бөхийн барилдаан өнөөдөр (2019.01.13) “Буянт-Ухаа” спорт цогцолборт боллоо.

 

Үндсэн хууль батлагдсаны 27 жилийн ойн өдөрт зориулсан үндэсний бөхийн барилдааны нээлтэд УИХ-ын дэд дарга Л.Энх-Амгалан, УИХ-ын гишүүн Б.Бат-Эрдэнэ, Ардчилсан Үндсэн хууль тогтоогчдын холбоо”-ны ерөнхийлөгч Ж.Гомбожав, УИХ-ын Тамгын газрын Хууль, эрх зүйн асуудал хариуцсан нарийн бичгийн дарга Д.Амгалан, Захиргаа, аж ахуйн асуудал хариуцсан нарийн бичгийн дарга П.Цэрэн болон Ардын Их Хурлын депутатууд, Улсын Бага Хурлын гишүүд, албаны бусад хүмүүс оролцлоо.

 

Монгол Улсын Ардчилсан шинэ Үндсэн хууль батлагдсаны 27 жилийн ойд зориулсан үндэсний бөхийн барилдааныг 1992 оноос хойш уламжлал болгон зохион байгуулдаг бөгөөд энэ жилийн барилдаанд улс, аймгийн алдар цолтой 256 бөх зодоглов.

Энэхүү барилдаанд Ховд аймгийн Буянт сумын харьяат, Ховд бөхийн дэвжээ, Нийслэлийн Хан-Уул дүүргийн Онцгой байдлын хэлтэс, Зорчигч тээврийн нэтгэл компани, “Од” группийн бөх Монгол Улсын харцага Оргихийн Хангай найм даван түрүүлж, Увс аймгийн Ховд сумын харьяат, Сүхбаатар аймгийн Онцгой байдлын хэлтэс, “Хемон” констракшн ХХК-ийн бөх, Монгол Улсын аварга Намсрайжавын Батсуурь үзүүрлэлээ.

Улсын Их Хурлын Тамгын газрын Захиргаа, аж ахуйн асуудал хариуцсан нарийн бичгийн дарга П.Цэрэн  амжилттай барилдаж, дунд шөвөгт шалгарсан улсын арслан Э.Оюунболд, улсын харцага Б.Бат-Өлзий, улсын харцага М.Бадарч, улсын начин Ч.Хөхчирэнгэр нарт шагнал гардуулав. 

Үндсэн хуулийн 27 жилийн ойд зориулсан хүчин бөхийн барилдаанд түрүүлж, үзүүрлэсэн болон их шөвөгт шалгарсан бөхчүүдэд УИХ-ын дэд дарга Л.Энх-Амгалан, УИХ-ын гишүүн Б.Бат-Эрдэнэ, Монгол Улсын Хөдөлмөрийн баатар, дархан аварга, АИХ-ын депутат Х.Баянмөнх, Ардчилсан Үндсэн хууль тогтоогчдын холбоо”-ны ерөнхийлөгч Ж.Гомбожав нар гардуулж, баяр хүргэлээ.

 
 
 

 

Эх сурвалж: УИХ-ын Хэвлэл мэдээлэл, олон нийттэй харилцах хэлтэс

x