2019/08/25
Америк доллар
МОНГОЛ БАНК:
2,671.55₮
B30
УЛААНБААТАР
18°
|
12°
B30
УЛААНБААТАР
17°
|
B30
УЛААНБААТАР
19°
|
21:00
S29
14°
22:00
S31
11°
23:00
S31
00:00
S31
01:00
S31
02:00
S31
03:00
S31
04:00
S31
05:00
S31
06:00
S31
07:00
S32
08:00
S32
Энэ мэдээ хуучирсан буюу 2018/09/13 -нд нийтлэгдсэн мэдээ болно.

Шри Ланкийн Ерөнхийлөгч самарны хэрүүл хийжээ

Р.Төмөр, ikon.mn
2018 оны 9 сарын 13
iKon.MN

Шри Ланка улсын үндэсний агаарын тээврийн компани нислэгийн үеэр зорчигчдод самраар үйлчилдэг байснаа зогсоож байгааг өчигдөр зарлажээ.

Учир нь тус улсын ерөнхийлөгч Майтрипала Сирисена энэ долоо хоногийн эхээр Балбын нийслэл Катманду хотоос эх орон руугаа нисэж байхдаа өгсөн самрынх нь чанарын талаар гомдоллосон байна.

Тэр “Катмандугаас би буцаж явахдаа SriLankan компанийн онгоцонд самраар үйлчлүүллээ. Гэтэл энэ нь нохой ч тоож идэхээргүй юм байна. Ийм чанаргүй хүнс авахыг хэн зөвшөөрснийг би мэдмээр байна” гэж фермерүүдтэй хийсэн уулзалтын үеэр ярьжээ.

Үүний дараа SriLankan компанийн төлөөлөгч уг самрыг зөвхөн бизнес ангиллын зорчигчдод өгдөг болохыг мэдэгдсэн байна. Мөн ерөнхийлөгчийн гомдлын дагуу Дубайд төвтэй нийлүүлэгчээ солихоор болсныг мэдээлжээ.

Шри Ланкийн төрийн өмчит SriLankan агаарын тээврийн компани алдагдалтай ажиллаж, ОУВС-ын зөвлөснөөр хувьчлах боломжийг хайж байгаа.

 

Өнгөрсөн тавдугаар сард тус компанийн 49 хувийг авахаар хэлэлцэж байсан АНУ-ын хөрөнгө оруулагч хувьчлалд оролцохоосоо татгалзсан юм.

Уг нь SriLankan компани АНЭУ-ын Emirates компанитай менежмэнтийн гэрээтэй байхдаа ашигтай ажилладаг байжээ.

Гэтэл 2008 онд Шри Ланкийн өмнөх ерөнхийлөгч Махинда Ражапаксе тус компанийн удирдлагуудтай хувийн маргаан үүсгэснээс дампуурлын замдаа орсон байна.

Тухайн үед компанийн удирдлага мөнгөө төлсөн зорчигчдоос суудлыг нь булааж Ражапаксегийн гэр бүлд өгөхөөс татгалзсан юм. Үүний хариуд уурссан ерөнхийлөгч Emirates компаниас томилогдсон удирдлагыг нь халж, өөрийн хүргэн ах Нишанта Викремасингхийг захирлаар нь томилж байжээ.

Тэр үеэс хойш SriLankan компани санхүүгийн хувьд доройтож, Викремасингх нь одоо авлига, буруу менежмэнт явуулсан хэргээр шалгагдаж байгаа юм.

 

Эх сурвалж: AFP

 

x