2020/08/07
Америк доллар
МОНГОЛ БАНК:
2,846.32₮
B30
УЛААНБААТАР
22°
|
14°
B30
УЛААНБААТАР
22°
|
12°
B30
УЛААНБААТАР
18°
|
12°
20:00
S32
17°
21:00
S31
15°
22:00
S31
14°
23:00
S31
13°
00:00
S31
12°
01:00
S31
11°
02:00
S31
11°
03:00
S31
10°
04:00
S29
05:00
S29
06:00
S30
07:00
S30
10°
Энэ мэдээ хуучирсан буюу 2018/08/07 -нд нийтлэгдсэн мэдээ болно.

Байдраг голыг бохирдуулж буй алт олборлогчдын талаар БОАЖ-ын сайдад мэдэгдэл хүргүүлэв

Б.Жаргалмаа, IKON.MN
2018 оны 8 сарын 7
iKon.MN
Зураг
Гэрэл зургийг MPA.mn

Баянхонгор аймгийн Засаг дарга, тус аймгийн Жаргалант сумын Засаг дарга нар тусгай зөвшөөрөлгүй, байгаль орчныг хамгаалах баримт бичиггүй компаниудаар нөхөн сэргээлт нэрийн дор алт олборлолт хийлгэж байгаа талаар “Байдраг нутаг усаа хайрлан хамгаалъя” ТББ мэдээлэл хийлээ.

Жаргалант сумын нутагт гурван компани хууль бусаар алт олборлож байгаагийн нэг нь зочид буудлын үйл ажиллагаа явуулах эрхтэй хэрнээ алт олборлож буй, тус сумын Засаг даргын “Буян цэцэн” хэмээх компани болохыг “Байдраг нутаг усаа хайрлан хамгаалъя” ТББ-ын Удирдах зөвлөлийн гишүүн Ж.Энхдөлгөөн хэллээ. Тус компани чацаргана тариалахаар авсан байсан нутгийн иргэний нэг га талбайг булаан ийнхүү алт олборлож байгаа аж. 

Ийнхүү хууль зөрчиж, таван сумын нутаг дамнан урсдаг Байдраг голыг бохирдуулж, нутгийн иргэдийн эрүүл мэндэд халдаж буй компаниудыг шүүхэд өгсөн бөгөөд энэ асуудлаар БОАЖ-ын сайдад мэдэгдэл хүргүүлж байгаагаа мэдээллээ. 

“Байдраг нутаг усаа хайрлан хамгаалъя” ТББ ын тэргүүн, Баянхонгор аймгийн Жаргалант сумын III багийн малчин А.Энхтөр “Бидний өвөг дээдсийн сүү хүртэл дусахвий хэмээн дээдэлж ирсэн, Монгол дотроо л урсдаг ганц гол Байдраг руу химийн бохирдолтой шавар шавхай урсгаж, булаг шандыг сүйдэлж байгаад гомдож байна. Үүний төлөө ёроолд нь хүршгүй зовлонг хүн малтайгаа амсах байх. Гол ус, байгаль маань хамгийн нандин, алтнаас ч үнэтэй гэж боддог. Тиймээс гол усныхаа төлөө тэмцэж явна. Цаашид ч тэмцэнэ” хэмээн ярьсан юм. 

Тус төрийн бус байгууллага хууль зөрчсөн компаниудад нэхэмжлэх гаргасан бөгөөд шүүхээр шийдэгвэл нэхэмжилсэн мөнгө нь орон нутгийн байгаль хамгаалах санд орох юм байна. 

x