Швейцарийн банкнууд дахь Монголчуудын мөнгө өнгөрсөн онд 74 хувиар өсжээ

Швейцарийн төв банк (Swiss National Bank) өнгөрсөн оны тайлангаа саяхан танилцуулжээ.

Уг тайландаа тэд дэлхийн улс орнуудын иргэд, компаниудын Швейцарийн банкнууд дахь мөнгөний хэмжээг гаргасан байна.

2017 оны сүүлийн байдлаар дэлхийн 213 орон, бүс нутгийн данс тус улсын банкнуудад байрлаж байгаагаас Монгол улстай холбоотой данснуудад 43 сая швейцарь франкийн мөнгө хадгалагдаж байгааг мэдээлжээ.

Энэ нь 2016 оны хэмжээнээс (24.7 сая) 74 хувиар өссөн дүн юм байна. Монголчууд Швейцарийн банкнууд дахь мөнгөний дүнгээрээ дэлхийн 213 орноос 146-д жагссан бол өсөлтийн хувиар 15 дугаарт эрэмбэлэгджээ.

Дэлхийн улс орнуудыг 400 тэрбум швейцарь франкийн дүнтэйгээр Их Британи тэргүүлжээ.

2016-2017 онд өсөлтөөрөө тэргүүлсэн 15 орон:

1. Соломоны арлууд                                                              4,000 хувь
2. Фарое арлууд                                                                     2,272 хувь
3. Энэтхэгийн далай дахь Британий газар нутаг                1,439 хувь
4. Мальдив                                                                                 795 хувь
5. Бусад жижиг улсууд болон аль нэг улсад хамаарахгүй   518 хувь
6. Туркменистан                                                                        188 хувь
7. Лаос                                                                                        182 хувь
8. Лесото                                                                                    176 хувь
9. Бонэйр, Синт Юстатиус ба Саба                                         147 хувь
10. Экваторын Гвиней                                                                146 хувь
11. Гайана                                                                                      97 хувь
12. Катар                                                                                        96 хувь
13. Кот Дивуар                                                                               85 хувь
14. Барбадос                                                                                  82 хувь
15. Монгол                                                                                      74 хувь

  Швейцарийн банкнуудад хадгалагдаж буй мөнгөөрөө тэргүүлсэн 5 орон (2017 оны байдлаар, швейцар франкаар)

1. Их Британи     400 тэрбум
2. АНУ                 165 тэрбум
3. Франц               62 тэрбум
4. Герман              51 тэрбум
5. Хонг Конг          50 тэрбум

Швейцарийн банкнуудад хадгалагдаж буй мөнгөөрөө сүүл мушгисан 5 орон

1. Палау                0
2. Тувалу               0
3. Зүүн Тимор      4.4 сая
4. Кирибати          5.8 сая
5. Науру              16.5 сая

Эх сурвалж: Swiss National Bank