2014 онд Yahoo компанийн 500 сая хэрэглэгчийн мэдээлэл хулгайлагдсан хэргийн ард Оросын тагнуулын хоёр ажилтан байгааг АНУ-ын хуульзүйн департмент өчигдөр зарлалаа.
Хэрэглэгчийн кодлогдсон нууц үг, нэр, имэйл хаяг, утасны дугаар, төрсөн огноо зэрэг алдагдсан мэдээллийг хэрхэн ашиглаж байсныг мэдэгдэлд бас тайлбарлажээ.
Оросын тагнуулын хоёр ажилтнаас гадна тэдэнтэй хамтарч ажилласан Оросын иргэн, Канад-Казахстаны давхар иргэншилтэй хүн уг хэргийг үйлдсэнд тооцогдож байна. Хулгайлсан мэдээллээ ашиглан тэд Yahoo, Google зэрэг мэйл үйлчилгээнүүдийн системд хууль бусаар нэвтэрч Оросын сэтгүүлчид, АНУ, Оросын төрийн албан хаагчид болон санхүү, дэд бүтцийн хувийн салбарын ажилтнуудын мэдээлэлд хандаж байсан гэнэ.
Yahoo компани энэ хэргийн талаар 2016 оны есдүгээр сард буюу хоёр жилийн дараа зарлаж байсан нь түүхэнд тохиолдсон хамгийн том мэдээлэл алдагдсан хэрэгт тооцогддог.
Хэрэгт холбогдож, яллагдсан дөрвөн хүнийг танилцуулбал:
Эдгээр хүмүүст Вашингтоны засаг захиргаа нийт 47 төрлийн ял тулгаад байна. Тулгасан ялууд нь тус бүрдээ 2-20 жил хүртэл хорих шийтгэлтэй юм.
Эх сурвалж: Quartz