Нүцгэн унтахын давуу талууд

Зөв хооллолт, нойр хоёр нь хүний эрүүл мэндэд хамгийн чухал нөлөөтэй. Удаан хугацаанд нойр муутай явах нь чихрийн шижин, зүрх судасны өвчин тусах, хэт таргалах, сэтгэл гутралтай болох зэргээр эрүүл мэндэд сөргөөр нөлөөлдөг байна. 

Саяхны нэг судалгаагаар гурван хүн тутмын нэг нь нүцгэн унтдаг зуршилтай болохыг тогтоожээ. Нүцгэн унтсанаар хамтрагчтайгаа илүү дотно байхад нөлөөлж, аз жаргалыг мэдрэх мэдрэмжийг дээшлүүлж, цусны даралтыг бууруулж, дархлааг сайжруулж, сэтгэл зовнилыг багасгадаг байна. Мөн таны биеийг ямар нэг хувцсаар хязгаарлахгүй байснаар бүрэн эрх чөлөөг мэдрээд зогсохгүй бэлгийн дур хүсэл, мэдрэмжийг нэмэгдүүлдэг байна.

Нүцгэн унтахын давуу тал нь зөвхөн дээрх зүйлсээр хязгаарлагдахгүй бөгөөд таны бэлгийн амьдралыг сайжруулж, илүү гүн нойронд автахад тусалдаг.

Эмэгтэй хүн нүцгэн унтсанаар үтрээ орчмын чийг, дулаан багасдаг бөгөөд ингэснээр бактери үржих, элдэв халдвар тусах эрсдэл нь багасдаг байна. Харин эрэгтэй хүн нүцгэн унтсанаар эр бэлгийн эсийн үр тогтоох чадвар сайжирдаг аж.

Мөн арьс чөлөөтэй амьсгалж, ямар нэг арьсны өвчин тусах эрсдэлийг бууруулдаг байна. Өдөржин хувцастай явснаар арьс хөлөрч, хувцсанд наалдсан химийн гаралтай угаалгын бодис арьсны нүхээр ордог.

Түүнчлэн гэр бүлээрээ нүцгэн унтсанаар унтлагын хувцас авах, угааж, индүүдэх зардлыг үгүй хийнэ. Хувцасгүй унтахаар даардаг бол дулаан хөнжил нөмрөх нь зүйтэй.

Нүцгэн унтах нь өөр ямар давуу талтай вэ?

1.    Тав тух

Та нэг л удаа хувцасгүй унтаад үзвэл ахиж унтлагын хувцас өмсөхийг хүсэхгүй л болов уу. Ямар нэгэн бие барьсан зүйл мэдрэгдэхгүй байснаар та бүрэн эрх чөлөөг мэдэрч, тайван амарна.

2.    Тайван нойрсоно

Унтлагын хувцас орны даавуутай зууралдаж, чөлөөтэй хөдлөхөд саад болдог бөгөөд ингэснээр тухтай амарч чадахгүй байх, хар дарж зүүдлэх зэрэг сөрөг нөлөөтэй. Нүцгэн унтвал энэ бүх асуудал байхгүй болж, илүү тайван нойрсоно.

3.    Арьсанд сайн нөлөөтэй

Нүцгэн унтсанаар таны арьс чөлөөтэй амьсгална. Мөн бэлгийн эрүүл мэндэд сайн нөлөөтэй бөгөөд хөл, суга зэрэг биеийн бусад хэсгүүд ч чөлөөтэй амьсгалж, арьсны өвчин тусах эрсдэлийг бууруулдаг аж.

4.    Дааврын ялгарлыг тогтворжуулна

Нүцгэн унтах нь биеийн дулааныг тогтворжуулдаг бөгөөд ингэснээр дааврын ялгарал мөн тогтворждог. Хэтэрхий халуун орчинд унтах нь дааврын ялгарлыг нэмэгдүүлдэг бөгөөд сэрсний дараа ч даавар ялгарсан хэвээр байдаг байна. Даавар ингэж хэт ихээр ялгарснаар бухимдах, эрүүл бус хооллох дуршилтай болох, жин нэмэх зэрэг сөрөг нөлөөтэй. 

Эх сурвалж: healthyfoodteam.com