“Мисс Монголиа-2014” тэмцээний ялагч тодорлоо

Энэ жил 11 дэх удаагаа зохион байгуулагдсан “Мисс Монголиа-2014” тэмцээний ялагчаар Ю.Балжидмаа тодорлоо.

Ингэснээр тэрбээр эх орноо төлөөлөн олон улсын томоохон, нэр хүндтэй тэмцээн болох “Miss International-2014”-т оролцох боломжтой болж байгаа юм.

“Мисс Монголиа-2014” тэмцээнд хот, хөдөөгийн 70 гаруй сайхан бүсгүй бүртгүүлж, гоо үзэсгэлэн, энх тайвны элч болж эх орныхоо болон дэлхийн хүмүүнлэгийн үйл хэрэгт хувь нэмрээ оруулж олон улсын миссийн тэмцээний жишгээр “Мисс фото”, “Мисс спорт”, “Мисс авьяас”, “Мисс модель”, “Мисс бикини”, Мисс оюунлаг” гэсэн төрлөөр тус тус өрсөлдсөн.

Ийнхүү “Мисс Монголиа-2014” тэмцээний тэргүүн байрт загвар өмсөгч Ю.Балжидмаа, дэд байрт М.Халиунаа, гуравдугаар байрт А.Баярцэцэг нар шалгарав.