Нийслэл хот үүсэн байгуулагдсаны 387 жилийн ойн барилдаанд УЛСЫН АВАРГА О.ХАНГАЙ түрүүллээ
Нийслэл Улаанбаатар хот үүсгэн байгуулагдсаны 387 жилийн ойд зориулсан хүчит бөхийн барилдаан Монгол бөхийн өргөөнд өнөөдөр зохион байгуулагдлаа.
Улс, аймаг, сумын цолтой 256 барилдсанаас Ховд аймгийн Буянт сумын харьяат, "Аврагч" спорт хорооны бөх улсын аварга О.Хангай найм даван түрүүлсэн бол Булган аймгийн Орхон сумын харьяат, "Хилчин" спорт хороо, ХЦ-0208 анги, Булган дэвжээний бөх улсын начин Э.Сумьябат долоо давж үзүүрлэлээ.
Харин их шөвгийн дөрөвт Архангай аймгийн Хайрхан сумын харьяат, "Бөхбилэгт" дэвжээ, "Алдар" спорт хорооны бөх аймгийн арслан Г.Мөнхбаяр, Дундговь аймгийн Эрдэнэдалай сумын харьяат, "Алдар" спорт хорооны бөх улсын начин Н.Амгаланбаатар нар шалгарлаа.
Тус барилдааны түрүү бөхөд 15 сая төгрөг, үзүүр бөхөд 10 сая төгрөг, их шөвөгт шалгарсан бөхчүүдэд тус бүр зургаан сая төгрөгийн шагнал өглөө.
Түрүү, үзүүрийн барилдааны зургаас:
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
