Амаржих газруудад 0-18 насны хүүхдүүдийг эмчилдэг болох шийдвэр гарчээ
Өргөө, Амгалан, Хүрээ амаржих газрыг төрөлжсөн эмнэлэг болгох шийдвэрийг НЗДТГ-аас гаргажээ.
Ингэснээр амаржих газрууд эх, нярайд үйлчилгээ үзүүлэхээс гадна бага насны хүүхдүүдийг эмчлэх бүрэн боломжтой болох бөгөөд томуугийн хэт дэгдэлттэй үед хүүхдийн эмнэлгүүдийн ачааллыг бууруулж, эх хүүхэд коридорт эмчлүүлэхгүй байх нөхцөл бүрдэх аж.
Амаржих газруудын удирдлагуудын зүгээс эх, нярайд үйлчилгээ үзүүлэхээс гадна бага насны хүүхдүүдийг эмчлэх бүрэн боломжтойг хэлжээ.
Гурван амаржих газрын хүний нөөц, барилга байгууламж адил биш тул тус, тусад нь тооцоо судалгаа хийж, шаардлагатай төсвийн тооцоог НИТХ-д өргөн мэдүүлж танилцуулахаар болов.
Шийдвэр хэрэгжиж эхлэхээр 0-18 насны хүүхдийг амаржих газарт эмчлүүлэх боломжтой болсон тухай мэдээллийг иргэдэд хүргэх юм байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
