"Марафоны турш эмнэлгийн тусламж үйлчилгээ үзүүлэх 10 баг ажиллана"
"Улаанбаатар марафон 2026" олон улсын гүйлтийг тавдугаар сарын 23-нд Д.Сүхбаатарын талбайд зохион байгуулахтай холбоотойгоор Нийслэлийн Эрүүл мэндийн газраас дараах мэдээллийг танилцууллаа.
Тус газрын мэргэжилтэн "Бид олон улсын гүйлтэд оролцогчдод эмнэлгийн тусламж үйлчилгээ үзүүлж ажиллана. Тухайн өдөр Нийслэлийн Эрүүл мэндийн газраас эмнэлгийн тусламж үйлчилгээ үзүүлэх 10 баг ажиллана.
- Гараа, барианы цэгт
- Гүйлтийн зам дагуу
- Усны байршлуудад таван баг,
- Суурин таван багуудын хооронд хөдөлгөөнт дөрвөн баг гарна.
Бүтэн болон хагас марафонд гүйлтээр хичээллэдэг хүмүүс оролцох нь зүйтэй. Хэрэв та зүрх судас, уушгины өвчтэй, гүйлт эхлэхээс тав хоногийн өмнө халуурвал анхаарах хэрэгтэй.
Гүйлтийн үед хэт хөлөрч, цангахаас сэргийлж 20 минут тутам 100-200 мл литр ус хэрэглэх, тухайн гүйлтэд оролцох гэж байгаа бол гэмтэл холголтоос сэргийлж шинэ гутал, хувцас өмсөхөөс зайлсхийхийг зөвлөе" гэв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
