Бямба гарагт 07:00-18:00 цагийн хооронд хаагдах замууд

Гэрэл зургийг MPA агентлагийн онцгой зөвшөөрөлтэйгөөр ашиглав

Есдүгээр сарын 13-н буюу энэ долоо хоногийн Бямба гарагт нийслэл хотод "Автомашингүй өдөр" болно. Уг арга хэмжээний үеэр хотын төв замуудын хөдөлгөөнийг 07:00-18:00 цагийн хооронд хаана.

Тодруулбал Баруун дөрвөн замаас Зүүн дөрвөн зам, Хүнсний дөрөвдүгээр дэлгүүр, СУИС-ийн уулзвар, Японы ЭСЯ-ны урд, Баянгол зочид буудал, Цирк, Өгөөжийн уулзварын замын хөдөлгөөнийг хаахаар болсныг дахин сануулж байна.

Автомашингүй өдрөөр 07:00-18:00 цагийн хооронд хаагдах гудамж, замууд:

1. Жанжин Д.Сүхбаатарын талбай (Д.Сүхбаатарын гудамж, Их сургуулийн гудамж) 
2. Сөүлийн гудамж,
3. Чоймболын гудамж,
4. Бөмбөгөр худалдааны төвийн уулзвар,
5. Жуулчны гудамж, Баруун сэлбийн гудамж,
6. Төмөрчний гудамж, Гэсэр сүмийн уулзвар,
7. Самбуугийн гудамж,
8. Анкарагийн гудамж,
9. Бага тойруу,
10. Бээжингийн гудамж,
11. Залуучуудын гудамж,
12. Сансарын туслах зам
13. Энхтайвны өргөн чөлөөний Зүүн дөрвөн замын уулзвараас Баруун дөрвөн замын уулзвар,
14. Чагдаржавын гудамж,
15. С.Зоригийн гудамж,
16. Элчингийн гудамж,
17. Олимпын гудамж,
18. Гэндэнгийн гудамж,
19. Д.Чойдогийн гудамж,
20. С.Жамъяан гүний гудамж,
21. Чингисийн өргөн чөлөөний Монголын хүүхдийн ордны уулзвараас Монгол шуудангийн уулзвар болон дотогш замуудыг хаана. 

Бямба гарагт автомашингүй бүсээс бусад гудамж, замд улсын дугаарын тэгш, сондгой хязгаарлалт үйлчлэх бөгөөд сондгой тоогоор төгссөн дугаартай тээврийн хэрэгсэл хөдөлгөөнд оролцоно.