1958 онд БНХАУ-ын тусламжаар барьсан Энхтайвны гүүрийг ирэх онд хүчитгэнэ
Ирэх онд Чингисийн өргөн чөлөө дэх Энхтайвны гүүрийг өргөтгөж, хүчитгэхээр болжээ.
Энэ тухай НЗХГ-аас "Нийслэлийн Засаг даргын захирамжаар “Энхтайвны гүүрийг өргөтгөх, хүчитгэх ажил”-ын зураг, төсөл боловсруулах зөвлөх үйлчилгээний ажил батлагдсан.
Тус ажлын гүйцэтгэгч “ГБЭТ” ХХК-тай гэрээ байгуулан зураг, төсөл боловсруулах ажлыг гүйцэтгэж байгаа бөгөөд 2026 онд Энхтайвны гүүрний өргөтгөл, шинэчлэлтийн ажлыг эхлүүлэхээр төлөвлөн ажиллаж байна" гэж мэдээлэв.
Энхтайвны гүүрийг 1958 онд БНХАУ-ын тусламжаар барьж, үүнээс хойш 2004, 2021 онд урсгал засвар хийжээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
