Х.Нямбаатар: Авто замын засвар, шинэчлэл хийхээр гаргасан бондын ₮100 тэрбумыг нийслэлийн төсвөөс өнөөдөр бүрэн төллөө
Өнгөрсөн онд Улаанбаатар хот 500 хүртэл тэрбум төгрөгийн бонд арилжаалж нэн шаардлагатай авто зам, шинэ цэвэрлэх байгууламжийн дэд бүтэц, эрчим хүчний хангамжийг сайжруулах төсөл, үерийн байгууламжийг сайжруулах бүтээн байгуулалтын ажлыг санхүүжүүлэхээр болж байв.
Үүнээс нийслэл хотын гол болон туслах авто замыy засвар, шинэчлэлд 100 тэрбум төгрөгийг зарцуулахаар авчээ. Уг мөнгөний эргэн төлөлтийг төлж дуусгасан байна.
Энэ тухай хотын дарга Х.Нямбаатар "2024 онд нийслэлийн хэмжээнд 137 км урт замыг засаж, шинэчилсэн. Энэ онд 100.5 км замыг шинэчилж, засах төлөвлөгөөтэй. Өнөөдрийн байдлаар ажил 60 хувьтай үргэлжилж байна.
Дээрх ажилд шаардлагатай хөрөнгийг өнгөрсөн онд бонд босгож шийдсэн. Тэгвэл өнөөдөр эргэн төлөлтийг хийлээ.
Нэг жилийн хугацаатай, 12 хувийн хүүтэй Улаанбаатар бондын 100 тэрбум төгрөгийн үнэт цаасны эргэн төлөлтийг нийслэлийн төсвөөс бүрэн төлж, барагдууллаа" гэв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
26 СЭТГЭГДЭЛТЭЙ
|
