Нийслэлийн 2025 оны газар зохион байгуулалтын төлөвлөгөөнд өөрчлөлт оруулав

Гэрэл зургийг MPA агентлагийн онцгой зөвшөөрөлтэйгөөр ашиглав

Нийслэлийн 2025 оны газар зохион байгуулалтын төлөвлөгөөнд нэмэлт өөрчлөлт оруулах асуудлыг НИТХ-аар өнөөдөр хэлэлцлээ.

Төлөвлөгөө батлагдах явцад холбогдох байгууллагуудаас хоцорч ирсэн санал, тусгагдаагүй боловч улс, нийслэлийн хөрөнгөөр хийж буй бүтээн байгуулалтын ажлын төсөв хөрөнгө, зураг төсөл нь батлагдан газрын асуудлыг шийдвэрлэх хүсэлт нийслэлийн нутгийн захиргааны байгууллагуудаас иржээ. Иймд газрын тухай хуулийн дагуу төлөвлөгөөнд өөрчлөлт оруулах тогтоолын төслийг боловсруулж НИТХ-аар хэлэлцэх зайлшгүй шаардлага үүсжээ. Нийт 71 байршлын 194.1 га газрыг нэмэгдүүлэхээр санал ирүүлсэн ба үүнээс 70 байршлын 193.9 га газрын төсөл арга хэмжээнд өөрчлөлт оруулах тухай тогтоолд тусгасан байна. 

Тогтоолын төсөлд газар зохион байгуулалтын чиглэлээр 29 байршлын 33.3 га газрын төсөл арга хэмжээг төлөвлөснөөс төрийн болон төсөвт байгууллагын зайлшгүй хэрэгцээнд 11 байршлын 11.68 га, газрын эрхийг хэсэгчлэн болон бүхлээр нь хүчингүй болгох, дуусгавар болсон байршлуудад хоёр байршлын 4 га, газрын тухай хуулийн хэрэгжилтийг хангах, газрын төлбөрийн орлогыг нэмэгдүүлэх, дуудлага худалдаагаар шинээр эзэмшүүлэх, ашиглуулах зорилгоор 15 байршлын 17.44 га, нийтийн эдэлбэр газрын байршил хэмжээг тогтоохоор нэг байршлын 0.18 га, Хан-Уул дүүргийн 12 дугаар хороонд нөхөн сэргээлт хийх 50 га, нөхөн олговор олгон газар чөлөөлөх чиглэлээр 40 байршлын 10.68 га газрын арга хэмжээ төлөвлөснөөс шинээр баригдах барилга байгууламжийн газрыг чөлөөлөх 10 байршлын 95.95 га, авто зам, замын байгууламжийн газрыг чөлөөлөх 30 байршлын 14.73 га газар гэж нэмэлт, өөрчлөлт оруулах саналыг НИТХ-д намын бүлгүүд дэмжжээ.

Уг өөрчлөлтүүдийг нийслэлийн 2025 оны газар зохион байгуулалтын төлөвлөгөөнд оруулж, баталлаа.

Түүнчлэн НИТХ-аар нийслэлийн ирэх оны төсөв нэмэлт өөрчлөлт оруулах асуудлыг хэлэлцэв.