Нийгмийн Даатгалын Сангийн зарлага 482.7 тэрбум төгрөг болжээ

Гэрэл зургийг MPA агентлагийн онцгой зөвшөөрөлтэйгөөр ашиглав

Монгол Улсын нийгэм, эдийн засгийн 2025 оны нэгдүгээр сарын үзүүлэлтүүдийг Үндэсний Статистикийн Хороо (ҮСХ)-ноос танилцууллаа. 

Энэ үеэр нийгмийн даатгалтай холбоотой мэдээллийг ҮСХ-ны Нэгдсэн статистикийн газрын дарга Ц.Тэгшжаргал хүргэлээ. 

Тэрбээр хэлэхдээ "Нийгмийн Даатгалын Сангийн орлого нэгдүгээр сарын байдлаар 530.3 тэрбум болж, өмнөх оны мөн үеэс 124.8 тэрбум төгрөгөөр өссөн. 

Харин зарлага нь 482.7 тэрбум төгрөг болж, 113.9 тэрбум төгрөгөөр өссөн үзүүлэлттэй гарлаа.

Нийгмийн Даатгалын Сангаас тэтгэвэр авагчид энэ оны нэгдүгээр сард 513.4 мянга болж, өмнөх оны мөн үеэс 15.1 мянгаар өссөн байна.

Энэ нь тэжээгчээ алдсаны тэтгэвэр авагчдаас бусад тэтгэвэр авагчид 2.3-3.6 хувиар нэмэгдсэнээс шалтгаалжээ" гэв.