Иргэдийн дийлэнх нь автомашины улсын дугаарын тэгш, сондгой хязгаарлалт хийхийг дэмжээгүй байна
Сар шинийн баяртай холбоотойгоор 2025 оны хоёрдугаар сарын 15-28-ны өдөр хүртэл автомашины улсын дугаарын тэгш, сондгой хязгаарлалт хийх, эсэх талаар НЗДТГ-аас өчигдөр иргэдээс санал авч эхэлсэн.
Санал асуулгад өнөөдрийн 10:00 цагийн байдлаар 1, 708 иргэн оролцжээ. Эдгээрийн 53% нь автомашины улсын дугаарын тэгш, сондгой хязгаарлалт хийхийг дэмжээгүй байна.
Уг зохицуулалтыг хийснээр сарын шинийн баярын өмнөх өдрүүдэд Улаанбаатар хотын замын хөдөлгөөний түгжрэл багасна гэж тооцоолжээ.
Иргэд https://vote.ulaanbaatar.mn/home линкээр холбогдож санал асуулгад оролцох боломжтой бөгөөд санал асуулга авах хугацаа өнөөдөр дуусах юм байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
