Жороор олгогдож байгаа эмийн мэдээллийг druginfo.mohs.mn сайтаас шалгах боломжтой
Энэ сарын 1-ний өдрөөс мөрдөгдөж байгаа Эм эмнэлгийн хэрэгслийн тухай хуулийн шинэчлэлээр ихэнх эм зөвхөн эмчийн хүчинтэй жороор олгох болсон тул иргэд эмийн сангаас хүчингүй жороор болон жоргүйгээр эм авах боломжгүй болоод байгаа юм.
Тус хуулийн шинэчлэл нь хүн амын эрүүл мэнд, эрүүл мэндийн боловсролыг сайжруулахад чиглэж байгаа аж.
Өвчин намдаах, толгойн өвдөлт намдаах, халуун бууруулах, ханиадны шинж тэмдэг дарах эм, натри, рингер гэх мэт ихэнх эмийг заавал эмчийн бичсэн, стандартын шаардлага хангасан жороор олгож байгаа талаар эмийн сангууд цахим хуудаснаа мэдээлээд буй.
Иймд таны авах гэж буй эм жороор олгогдох эсэх талаар мэдээллийг druginfo.mohs.mn сайтаас харж болох юм байна.
- Сайт руу ороод эм хэсгийг сонгож худалдааны нэр эсвэл олон улсын нэршил гэсэн хэсгийн аль нэг дээр эмийн нэрийг кириллээр бичээд хайна.
- Хайлтад тухайн эмийн дэлгэрэнгүй мэдээлэл болон жороор олгох, жоргүй олгох талаар мэдээлэл харагдах юм.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
17 СЭТГЭГДЭЛТЭЙ
|
