Хэрлэн, Орхон, Туул голын ус үерийн аюултай түвшнийг давсан хэвээр байгааг анхааруулав
Цаг уурын байгууллагын ирүүлсэн мэдээгээр наймдугаар сарын 27-ны байдлаар Алтай нуруунаас эхтэй Ховд, Буянт, Чигэртэй, Турган, Хэнтий нурууны баруун хажуугийн Хараа, Их Хянганы нуруунаас усжих Халх зэрэг голуудын усны түвшин өмнөх өдрөөс 5-10 см нэмэгджээ.
Хэрлэн /Мөнгөнморьт/, Улз / Дашбалбар/, Хурх, Халх /Ялалт баг/, Буянт, Хархираа зэрэг голууд үерийн түвшнийг 5-25 см, Туул /Лүн/, Орхон /Орхонтуул/, Балж, Онон, Хэрлэн /Өндөрхаан, Чойбалсан/ зэрэг голууд үерийн аюултай түвшнийг 10-70 см даван хүчтэй үерлэсэн хэвээр байгааг анхаарууллаа.
Өнөөдөр /2024.08.28/ нутгийн төв хэсгээр бороо, дуу цахилгаантай аадар бороо орох тул мөндөр, аянга цахилгаан, нөөлөг салхи, уруйн үер, үер усны аюулаас сэрэмжлэхийг зөвлөв.
Эх сурвалж: ОБЕГ
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
