Паралимпын наадмыг Монголд анх удаа шууд дамжуулна
Хүн төрөлхтний эрх тэгш байдал, хамтдаа энх тайвнаар зэрэгцэн оршихын бэлгэдэл болсон “Парис-2024” зуны 17-р паралимпын наадмыг Монголд анх удаа албан ёсны онцгой эрхтэйгээр Централ телевиз болон PSN хамтран шууд дамжуулна. Паралимпын наадмын нээлтийн ёслолыг наймдугаар сарын 28-аас 29-нд шилжих шөнө 01:00 цагаас Централ телевизээр хүлээн авч үзнэ үү.
Энэ удаагийн паралимпын наадамд манай улсыг төлөөлж 12 тамирчин пара спортын зургаан төрөлд өрсөлдөнө. Тоглолтууд наймдугаар сарын 28-аас есдүгээр сарын 8-ыг дуустал үргэлжилнэ.
Шууд дамжуулалтын ерөнхий ивээн тэтгэгчээр “M bank”, “Netcapital Financial Group”, ивээн тэтгэгчээр “Coca-Cola Mongolia”, “APU Company” хамтрагчаар “BSB Service LLC” ажиллана.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
