Г.Балжинням: Цахилгаан хязгаарласан үед хөлдөж болох газруудад зөөврийн эх үүсвэрүүдийг нөөцөлнө
Өчигдөр 16:00 цагт Оросын талаас нийлүүлж байгаа цахилгаан эрчим хүчний дээд хэмжээг өмнө нь 345МВт хүртэл өгдөг байсныг одоо 150 МВт-аас илүүг өгч чадахгүй болсон талаараа Диспетчерийн Үндэсний Төвд мэдэгджээ.
Иймд өнөөдрөөс эхлээд цахилгааны хязгаарлалт хийхийг ч үгүйсгэхгүй болсон талаар салбарын сайд мэдээллээ. Харин цахилгаан хязгаарласан үед хөлдөлт үүсэж болзошгүй. Энэ үед ямар арга хэмжээ авах талаар албаны хүн мэдээлэл өгөв.
"Диспетчерийн Үндэсний Төв" ТӨХХК-ийн захирал Г.Балжинням "Цахилгаан хязгаарласан үед хөлдөхгүй байх арга хэмжээг урьдчилан сэргийлж авдаг. Үүний нэг нь эрчим хүчний хязгаарлалтын хуваарь, хөтөлбөрийг гаргадаг.
Нэг хэрэглэгчийн цахилгааныг гурваас дээш цагаар хязгаарлахгүй. Аж ахуйн нэгжүүдийн үйл ажиллагаанд хүндрэл учруулахгүйгээр хязгаарлалт хийнэ.
Хөлдөж болох газруудад зөөврийн эх үүсвэрүүдийг бэлтгэж, нөөцөд авах арга хэмжээг хэрэгжүүлнэ.
Эрчим хүчний салбар хагас цэрэгжүүлсэн, байнгын бэлэн байдалд ажилладаг" гэлээ.
Иргэд хэрэглэхгүй байгаа цахилгаан хэрэгслээ салгаж, эрчим хүчээ хэмнэхийг уриаллаа.
ВИДЕО:
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
