• 11 сарын 23, Бямба
|
Уншиж байна ...
ХУУЧИРСАН МЭДЭЭ: 2023/12/05-НД НИЙТЛЭГДСЭН

PISA үнэлгээгээр төрийн өмчийн сургуулиуд хувийн сургуулиудаас өндөр үнэлгээ авлаа

П.Сайнжаргал, IKON.MN
2023 оны 12 сарын 5
iKon.MN
Зураг зураг
Гэрэл зургийг MPA агентлагийн онцгой зөвшөөрөлтэйгөөр ашиглав

Сурлагын Амжилтын Олон Улсын Үнэлгээ(PISA)-ний үр дүнг өнөөдөр танилцууллаа. 

Энэ үеэр хувийн болон төрийн сургуулиудын сурагчдын сурлагын ялгаа, үнэлгээний харьцуулалтыг Боловсрол, Шинжлэх Ухааны сайд Л.Энх-Амгалан танилцуулав. 

Тэрбээр "Эмзэг бөгөөд анхаарал хандуулахуйц нэг үзүүлэлт гарсан. Хувийн болон төрийн сургуулийн сурагчдын гүйцэтгэл нийгэм, эдийн засгийн үзүүлэлтээр гарлаа. 

  • Математик хувийн сургууль 417, төрийн сургууль 426
  • Унших чадвар хувийн сургууль 366, төрийн сургууль 380
  • Байгалийн ухааны хичээлээр хувийн сургууль 404, төрийн сургууль 414 тус тус үзүүлэлт харагдаж буй.
Монгол Улсад төр болон хувийн сургууль ялгаа баян, хоосны ялгаа шиг гараагүй байна. Тодруулбал төрийн сургуулийн сурагчдын дээрх хичээлийн гүйцэтгэл хувийн сургуулиудын сурагчдаас хол хоцроогүй байгаа сайн үзүүлэлт гарлаа. 

Дундаж давхаргын өрх айлын хүүхдүүд хувийн сургуульд сураад өндөр төлбөр төлснийхөө өгөөжийг хүртэхгүй байна гэсэн үг. Тэгэхээр дундаж орлоготой айлын хүүхдүүд төрийн сургуульд сурвал өгөөжийг нь илүү их хүртэх боломж байна.

Унших чадварын тухайд төрийн сургуулийн сурагчид хувийн сургуулийнхнаас сайн гүйцэтгэлтэй гарч байна" гэлээ. 

Түүнчлэн "Гүнзгийрүүлсэн анги, лаборатори сургуулиуд нь боловсролын чанарын ялгааг өдөөдөг үзүүлэлт юм байна.

Сургууль доторх ялгаа нь сурагчдыг чадвараар нь ангилдаг. Олимпиад, ЭЕШ-д бэлтгэх хүүхдүүдийг тусад нь салгаж, хичээл заадаг.

Багш нар сайн хүүхдүүдтэйгээ түлхүү ажилладаг. Гэр бүлийн орлогоос нь шалтгаалж сурагчидтай харьцдаг, ангилдаг нийгмийн тэгш бус байдал боловсролын салбарт байгаа нь PISA үнэлгээгээр гарлаа" хэмээв.